သူငယ်ချင်း....(၁)

သူများဘလော့တွေ သွားလည်တော့ သူတို့သူငယ်ချင်းတွေ အကြောင်းရေးတာ ဖတ်ရတယ်။
ငယ်ဘ၀တွေ ဆိုတော့ နုပျိုမှုတွေ မြင်ရပြီး ကိုယ်လည်းကြည်နှုးမိတယ်။
ကျွန်တော့်သူငယ်ချင်းတွေ အကြောင်း ပြန်စဉ်းစားမိတော့ ထူးထူးခြားခြား မဟုတ်ပေမယ့် ကြုံရင်ပြောဖြစ်တဲ့
ဖြစ်ရပ်လေးတွေ ရှိမှန်းသတိရမိတယ်။

ဒါနဲ့ စဉ်းစားပြီး တယောက်ပြီး တယောက် အစဉ်လိုက် ဖော်ကောင်လုပ် ဖြစ်တော့တယ်။
သူတို့နဲ့တွေ့ရင်တော့ အမှတ်တရ အနေနဲ့ ရေးတာပါလို့ ကြည့်ကျက်ပြောရမှာပဲ...။
ဘယ်သူ့အကြောင်း စရေးမလဲ စဉ်းစားတော့ အနီးဆုံးရှိတဲ့ သူငယ်ချင်းကို ပြေးမြင်မိတယ်။

သူနဲ့က ငယ်ပေါင်းမဟုတ်ပေမယ့် ရင်းရင်းနှီးနှီး တွဲဖြစ်တယ်။ဒီကောင်နဲ့ စခင်တာက ဘန်ကောက်ရောက်မှ။
ကျွန်တော်တို့ ဘန်ကောက်ရောက်တော့ ကျန်တဲ့သူတွေနဲ့ ကီးမကိုက်ဘူး လိုင်းမတူတော့ ဘယ်သူနဲ့မှ မပေါင်းဘဲ
ကိုယ့်ဘာသာ အေးရာအေးကြောင်းနေတာ ဒီကောင်တွေနဲ့ မတွေ့ခင်အထိပဲ။

နောက်တော့ သူတို့လင်မယားနဲ့ ခင်သွားတယ်။သူတို့ကလည်း ကျွန်တော့်ကို ငယ်ပေါင်းကြီးဖော်တွေလို ခင်တာပဲ။
ညနေရောက်ရင် ကျွန်တော့်ကို လာခေါ်ပြီး world trade center ရဲ့ အုတ်ခုံမှာထိုင်ပြီး ကော်ဖီတယောက်တခွက်စီနဲ့
ငြိမ့်နေကြတော့တယ်။

ရောက်တတ်ရာရာပြော အနားက တီဗီ အကြီးကြီးကိုကြည့်ပေါ့။
တချို့ရက်တွေမှာ ပါလာတဲ့ ဒေါ်လာ လေးကို ဘတ်ငွေနဲ့လဲ တယောက်နဲ့တယောက် ပိုပြီးရင်နှီးလာကြတယ်။
(ဘန်ကောက်ရဲ့ အတွေ့အကြုံတွေကလည်း ပြောစရာရယ် တပုံတခါင်းလို့ ဆိုရမယ်)

သူတို့က ကွန်ဒိုမှာ တခန်းငှားပြီး နေတယ်။ကျွန်တော်နေတဲ့ အိမ်မှာရှိတဲ့ တီဗီလိုင်းမှာ ဘော်လုံးပွဲလိုင်း မရှိဘူး ။
အဲဒါနဲ့ သူတို့အခန်းမှာ သွားနေရင်း အဲဒီမှာပဲ အနေများ သွားတော့တယ်။
ကျွန်တော်က မနက်မိုးလင်းရင် CNN မှာ ဘော်လုံးပွဲ အဖြေတွေကြည့်လေ့ရှိတယ်။

ညရောက်ရင် အဲဒီပွဲတွေ ESPN လိုင်းမှာ ပြန်လာတော့ ကျွန်တော်က အဖြေသိနေပြီ။
ဒီကောင်က ဘော်လုံးပွဲ စိတ်မ၀င်စားဘူး။ဘော်လုံးပွဲကလည်း တယောက်ထဲကြည့်ရတာ အရသာကို မရှိဘူးဆိုတော့
ဒီကောင်ကို ဘော်လုံးပွဲ စိတ်ဝင်စားလာအောင် လုပ်ရတော့တယ်။

ကျွန်တော်က အဖြေကြိုသိပြီးသား ဆိုတော့ ပြန်ပြတဲ့ပွဲတွေဆို ဒီကောင်နဲ့ အလောင်းအစားလေး လုပ်တာပေါ့။
အဖြေသိမှတော့ ဘယ်သူက ရှုံးတဲ့ဘက်နေပါ့မလဲ။အဲဒါနဲ့ ဒီကောင်ကို ရှုံးတဲ့ဘက်မှာ မနေချင် နေချင်အောင်
ကြေးကြော လေးပေးတော့ ဒီကောင်လဲ ပျော်ပျော်ကြီး နေတော့တယ်။

ပွဲပြီးရင် ဖျော်ပေတော့ ကော်ဖီပဲ။ကျွန်တော်တို့က ကော်ဖီဖျော်တိုက်ကြေး ဒါမှမဟုတ် ဇက်ကျော ဆွဲပေးကြေး
လောင်းကြတယ်။ဒီကောင်က ရှုံးတာများတော့ မခံချင်ဖြစ်လာပြီး ဘော်လုံးပွဲကို စိတ်ဝင်စားလာတော့တယ်။
တခါတလေတော့လည်း ကြေးကြောပေးတာတောင် နိင်တဲ့ဘက်ကို ဒီကောင်ရွေးရင် ကျွန်တော့်မှာ
စိတ်မပါတပါနဲ့ ကြည့်နေရရော။

သူလည်းနိင်တာပါပဲ။တိုက်ရိုက်လာတဲ့ ပွဲတွေဆို သူကော်ဖီဖျော်လိုက် ကျွန်တော်ဇက်ကျောဆွဲပေးလိုက်နဲ့ပေါ့။
ဒါကဘန်ကောက်မှာ ကျွန်တော်တို့ ရဲ့ ခင်မင်ခဲ့ပုံလေးတွေဆိုပါတော့။ တကယ်ပြောချင်တာက ဒီနိင်ငံရောက်ပြီး
ကြုံရတဲ့အလွဲတွေထဲက တခုပြောပြမှာ။

တရုတ်စကားပြောတဲ့ နိင်ငံဆိုတော့ အဆင်ပြေအောင် တရုတ်စကားသင်ရတယ်။
ဒီနိင်ငံသားတွေ ပြောတဲ့လေယူလေတိမ်း မျိုးလည်းမှတ်ရတယ်။ခင်ခင်မင်မင် ဖြစ်အောင်လည်း အလိုက်အထိုက်ပြောပေါ့။

(ဒါကတော့ မြန်မာနိင်ငံသားတိုင်း ရလာတဲ့အမွေလို့ပြောရမယ် အရွယ်ရောက်ရင် ကိုယ့်နိင်ငံကိုယ်မနေရပဲ အားလုံး
တခြားနိင်ငံထွက်နေ ရတာကိုး ဒါကလည်း ကိုယ့်အပြစ်နဲ့ကိုယ်ပါပဲ ရေနက်ကွင်းစပါးစိုက်ခင်းတွေနဲ့ ရာဘာခြံတွေမှာ
အလုပ်ရှိတယ် ပြောထားရက်နဲ့ ကိုယ်တိုင်က အလုပ်ရွေးနေတာလေ :D)

ဒီကောင်က သင်ထားတာတွေကို သေသေချာချာ မမှတ်ဘဲ ပြောချင်တာ ပြောတော့ အလွဲတွေက ဖြစ်ကုန်ရော.
အဲဒီနေ့က အလုပ်ထဲမှာ ဒီကောင်နဲ့ မြေပဲ စကားပြောတာကို ကျွန်တော်နဲ့ နောက်တယောက်က
အအေးသောက်ရင်းနားထောင် နေကြတာ။မြေပဲဆိုတာက ဒီနိင်ငံသားတွေကို ကျွန်တော်တို့က ခေါ်တာ၊
ဘာကြောင့်ဆိုတော့ ဒီနိင်ငံက ကမ္ဘာ့မြေပုံမှာ ကြည့်ရင် ပြုတ်စားတဲ့ မြေပဲကို အခွံမချွတ်ရသေးတဲ့ ပုံစံနဲ့တူလို့လေ။

သူနဲ့မြေပဲက ဘာသာစကား သုံးမျိုးနဲ့ပြောကြတယ်.
တရုတ်စကားရယ် အင်္ဂလိပ်လို တစွန်းတစရယ် လက်ဟန်ခြေဟန်ရယ် ပေါင်းပြီး ပြောကြတာ
သူတို့ဟာနဲ့ သူတို့တော့ အဆင်ပြေကြတာပဲ။

ဒီကောင်ပြောရင် မြေပဲက ခေါင်းတညိမ့်ညိမ့်နဲ့။
မြေပဲပြောရင် ဒီကောင်က rapper တွေလို အမ်ဟမ်း အမ်ဟမ်း(ah hann.....ah hann)ဆိုပြီး သူနားလည်တယ်ပေါ့။
နောက်တော့ မြေပဲလည်း ဒီကောင်ပြောရင် အမ်ဟမ်း အမ်ဟမ်း ဖြစ်လာတယ်။အဆင်ပြေနေကြတယ် ဆိုရမယ်။

(သူပြောတာတွေကို အနီးစပ်ဆုံး အသံနဲ့ မြန်မာလိုပြန်ပြပါ့မယ်။)
ပြောတာနဲနဲ ကြာလာတော့ ဒီကောင်က မြေပဲကို စချုပ်တယ်။သူကမြေပဲကို ဒီလိုပြောလိုက်တယ်။
“နီသက် ဖုန်းယို ဖုန်းယို အင်ထရိုကျူ (你的朋友 朋友 Introduce) ” လို့ တရုတ်စကားနဲ့ အင်္ဂလိပ်လို ပေါင်းပြောပြီး လက်ကလည်း လက်ဆွဲနှုတ်ဆက်တဲ့ပုံစံ မျိုးလည်း လုပ်ပြသေးတယ်။

သူဆိုလိုတာက 'မင်းကောင်မလေးရဲ့ သူငယ်ချင်းတွေနဲ့ မိတ်ဆက်ပေးပေါ'့။
ဒါပေမယ့် မြေပဲက ဒီကောင်ဘာပြောမှန်း နာမလည်ဘူး။ဒီတော့ အမ်ဟမ်း အမ်ဟမ်း လည်း မလုပ်နိင်ဘူးပေါ့။
အဲဒါနဲ့ မြေပဲကို အခြေခံကနေ စပြောတယ်။

သူမေးတာက ဒီလို “နီ့ယိုမေးယို နန် ဖုန်းယို (你有沒有 男朋友 ) ”တဲ့ ။
မြေပဲခမျာ အံ့သြပြီး ပါးစပ်အဟောင်းသားလေး ဖြစ်သွားတာ ရှေ့သွားလေးကျိုးနေတာတောင် မြင်လိုက်ရတယ်။
အဓိပ္ပါယ်က မင်းမှာ (boy friend) ရှိလားတဲ့လေ။

တကယ်မေးချင်တာက “နီယိုမေးယို နွီ ဖုန်ယို(你有沒有 女朋友) ” ။မင်းမှာ (girl friend) ရှိလားလို့မေးတာ။
နန် (boy) နဲ့ နွီ (girl) ကို မှားပြောတော့ အဓိပ္ပါယ်က မင်းက အခြောက်လား ဆိုတဲ့ သဘောဖြစ်သွားရော။
ကျွန်တော်တို့မှာ အအေးတောင်သီးတယ်။တော်သေးတယ် မြေပဲက ထ မရိုက်လို့။
ကိုယ့်ဘာသာ စကားမဟုတ်တော့လည်း ဒီလိုမျိုးက နေရာတိုင်းမှာ ရှိတာပါပဲ။

ဒီကောင်လည်း အဲဒီနေ့ကစပြီး နာမည်တွင်သွားတော့တယ် ။
လမ်းမှာတွေ့ရင်“ ဟေ့ရောင် နီ့ယို မေးယို နန် ဖုန်ယို ” လို့ မေးရင် စပ်ဖြဲဖြဲ နဲ့ ပြန်ကြည့်တယ်။
တခါတလေ သူက ဦးလို့ အရင်မေးရင် ကျွန်တော်က “အမ်ဟမ်း အမ်ဟမ်း” လို့ပြန်ပြောလိုက်တော့တယ်။
..................................................................................................................................................
(သူများသာပြောနေတာ ကျွန်တော်လည်းတခါက မြေပဲကို “ငါ မီးပလပ်လေး ထိုးချင်လို့ ”လို့ပြောတာ
အသံထွက်မပီပြင်တော့ အဓိပ္ပါယ်က “ငါမင်းခေါင်းကို ဖြတ်ချင်တယ် ” ဖြစ်သွားလို့
မြေပဲက မျက်လုံးပြူးပြီး ပြန်ကြည့်တာနဲ့ ကြုံဖူးသေးတယ်)

(တရုတ်စာလုံးများကို ကျွန်တော့်ချစ်သူမှ ကူညီရိုက်ပေးပါသည်..)