နွေရာသီ..ရေကူးသင်တန်း

ကျုပ်အကြောင်းလေးတွေ ပြန်ပြောမယ် စိတ်ကူးတော့ ခေါင်းထဲရောက်လာတဲ့ အကြောင်းက ကျုပ်ရေကူးတတ်ခဲ့တဲ့ အကြောင်းလေးပါပဲ။ပြောရရင် ကျုပ်ရေကူးတတ်ပုံကလည်း ရာဇ၀င်ရှိတယ်ပေါ့။
ကျုပ်ရေကူးတတ်သလို ပုံစံမျိုးနဲ့ ဘယ်သူမှ ကူးတတ်လာမယ် မထင်ဘူး။ အဲဒီတုန်းက ကျုပ်အသက်က ၈ နှစ် ၉နှစ် လောက်ရှိနေပြီ...။ ဝန်ခံရရင် ကျုပ်ငယ်ငယ်က အင်မတန်ခေါင်းမာ တာဗျ..။

ရွာမှာ အဒေါ်ဝမ်းကွဲ တစ်ယောက်က မုန့်ရောင်းတယ်။ သူ့ဆီမှာက ပိုက်ဆံနဲ့ မ၀ယ်ဘဲ ဆန်နဲ့ လဲစားလို့ရတော့ ကျုပ်က မနက်မိုးလင်းရင် ဆန်နို့ဆီဘူး တစ်လုံးလောက်ကို အိမ်က ဘယ်သူမှ မသိအောင် အင်္ကျီထဲ ဖွက်ပြီး ခိုးရတယ်။ ညနေရောက်ရင် မုန့်နဲ့သွားလဲစားတယ်...။ လဲလို့ရတဲ့မုန့်ကို ကျုပ်နဲ့ ကျုပ်သူငယ်ချင်းက အတူတူ စားကြတယ်ပေါ့။

ကျုပ်တို့ ခြံထဲမှာ ပျဉ်းမပင်ကြီးကို လူကြီးခါးတ၀က်လောက် အမြင့်မှာ ခုတ်ထားတယ်..။ မြင်အောင်ပြောရရင် ပျဉ်းမငုတ်တို ဆိုပါတော့ဗျာ..။ ကျုပ်က ခိုးလာတဲ့ ဆန်နို့ဆီဘူး တလုံးစာကို ခွက်တခုထဲ ထည့်ပြီး အဲဒီပျဉ်းမငုတ်တိုပေါ် ကချိုင့်ခွက်ထဲမှာ ထည့်ထားလေ့ရှိတယ်။ ညနေရောက်ရင် အဲဒီဆန်ကိုယူပြီး အဒေါ်ရဲ့ မုန့်ဆိုင်ကို ပြေးရတာ ကျုပ်ရဲ့နေ့စဉ်အလုပ်ပဲ...။

ကျုပ်ကသာ ကိုယ့်ကိုကိုယ် လုံလှပြီထင်ပြီး အေးအေးဆေးဆေး ခိုးနေတာ ကျုပ်အမေက စောင့်ကြည့်နေတာ
ကျုပ်က သတိမထားမိဘူး။ တနေ့တော့ ကျုပ်ဆန်ခိုးပြီး ပျဉ်းမငုတ်တိုဆီ ထားမလို့ အသွားမှာ ခိုးထုပ်ခိုးထည်နဲ့ လက်ပူးလက်ကြပ်ကို အမေကဖမ်းမိသွားတယ်။ အိမ်မှာလည်းဒီလောက်ကြွေးနေတာ ဒီလိုလုပ်ရပါ့မလားဆိုပြီး အမေကစိတ်ဆိုးဆိုးနဲ့ ကျုပ်ကို အပြစ်ပေးတယ်။ သူ အပြစ်ပေးပုံက သူများနဲ့မတူဘူး...။ သူအပြစ်ပေးပုံကဒီလို။ ကျုပ်တို့ခြံထဲမှာ ရေကန်ကြီးတကန်ရှိတယ်...။ အဲဒီတော့ ကန်ထဲမှာ ငါးတွေလည်းရှိတာပေါ့..။

ကျုပ်တို့က ပျင်းရင် အဲဒီကန်ထဲ အုန်းသီးတွေ ကြိုးချည်ပြီး ပစ်ချထားလေ့ရှိတယ် ။ ကန်ထဲကငါးတွေက အဲဒီ အုန်းသီး အထဲကို ၀င်စားတတ်တယ်။ အုန်းသီး ကိုကြိုးလေးနဲ့ဖြေးဖြေးချင်း ဆွဲတင်ရင်အဲဒီအုန်းသီးထဲမှာ ငါးတွေ တခါတလေ ပုဇွန်တွေ ပါလာတတ်တယ်။ ရလာရင်တော့ မီးဖုတ်စားတာပဲ။ ဒါကကြုံတုန်းပြောပြတာ..။ ကျုပ်အမေက အပြစ်ပေးတော့ အဲဒီကန်ထဲကို ကျုပ်ကို ပစ်ချတာလေ..။ရိုးရိုးပစ်ချတာမဟုတ်ဘူး...။ ခြေထောက်ကို ကြိုးနဲ့ချည်ပြီး ပစ်ချတာဗျ..။အုန်းသီးကို ကြိုနဲ့ချည်ပြီး ပစ်ချသလို တပုံစံထဲပဲ...။ ဝဋ်လည်တယ် လို့ပြောရင်လည်း ရမှာပေါ့

ဒါပေမယ့် ကျုပ်ရေနစ်သွားမှာလည်း စိုးရိမ်တော့ ကျုပ်ခြေထောက်တချောင်းကို ကြိုးနဲ့ချည်ပြီး ကမ်းစပ်ကနေ
အမေက ကျုပ်ကို နောက်လုပ်အုံးမလား မေးလိုက် တုတ်နဲ့ နဲနဲ ထိုးလိုက်နဲ့ လုပ်နေတာလေ..။ တုတ်နဲ့ထိုးတာက ကမ်းစပ်ကို ပြန်ရောက်မလာအောင်လို့ လုပ်တာ...။ နှစ်သွားမှာလည်း ကြောက်တော့ တုတ်နဲ့ထိုးလိုက် ပြန်ဆွဲလိုက်နဲ့ ကျုပ်ကြောက်မလားလို့ ခြောက်တာပေါ့ဗျာ..။ ကျုပ်လား...ကလေးပဲဗျာ ရေထဲရောက် တော့ကြောက်တာပေါ့..။ ဒါပေမယ့် ကုန်းပေါ်ပြန်ရောက်ရင် တရက်လောက်ပဲ ငြိမ်တယ် နောက်နေ့ ဆန်ပြန်ခိုးပြီးမုန့်နဲ့သွားလဲတာပဲ...။ အမေက ထပ်မိ ရေထဲထပ်ပစ်ချနဲ့ ကျုပ်ယက်ကန်ယက်ကန် နဲ့ ရေထဲမှာ အဆင်ပြေအောင်နေတတ်လာတယ်...။

အဲဒါနဲ့ အမေက ပြစ်ဒဏ် ထပ်တိုးတဲ့ အနေနဲ့ အရင်က ခြေထောက်တချောင်းထဲ ကြိုးချည်ပြီး ပစ်ချရာကနေ ခြေထောက်နှစ်ချောင်းကိုပူး ကြိုးနဲ့ချည်ပြီး ပစ်ချပြန်တယ်..။ ကျုပ်က လက်လေးနှစ်ဘက်နဲ့ ယက်ကန်ယက်ကန် လုပ်ပြီး ကိုယ်ဖော့ရတော့တယ်...။အဲဒီလိုနဲ့ ကျုပ်လည်း ကိုယ်ဖော့တတ်လာတယ် ဆိုရမယ်..။ ကိုယ်ဖော့တတ် လာတော့ ကျုပ်ကခြေထောက်နှစ်ချောင်း ပူးချည်ခံထားရပေမယ့် လက်နှစ်ဘက်အားပြုပြီး ရေကူးတတ် သွားတော့တယ်။ မြင်အောင်ပြောရရင် ရေသူမ ပုံစံမျိုးပေါ့ဗျာ..။ ဒါပေမယ့် ကူးရတာ ရေသူမတွေ လိုတော့ အဆင်ပြေလှတယ် မဟုတ်ဘူးပေါ့...။

ကြာလာတော့ ကျုပ်ကိုကျုပ် ရေကူးသင်တန်းတက်နေတယ် သဘောမျိုးထင်လာတယ်..။ နည်းစနစ် သိပ်မကျတာ ကလွဲရင် အမေက ကျုပ်ရဲ့ ရေကူးနည်းပြပေါ့။ အဲဒီတော့ ရေထဲပစ်ချခံရတာ ကျုပ် သိပ်မကြောက် တော့ဘူး။ ကုန်းပေါ်ပြန်ရောက်ရင် အရင်လို ဆန်နဲ့မုန့် လဲစားတဲ့ အလုပ်တွေ ပြန်လုပ်တာပဲ။ မုန့်ကိုကြိုက်လွန်းလို့ မဟုတ်ဘူးဗျ..။ ကျုပ်က အမေမသိအောင် ခိုးပြမယ်ဆိုတဲ့ မခံချင်စိတ်ရယ် ကျုပ်သူငယ်ချင်းကို စားစေချင် စိတ်ရယ် ကြောင့်ပဲ...။

အဲဒီလိုနဲ့ ဆန်ခိုးလိုက် ရေထဲပစ်ချခံလိုက်နဲ့ နောက်ဆုံးအခေါက် ခိုးပြီးထဲက ကျုပ်လည်း အဲဒီအလုပ်ကို စွန့်လွှတ် လိုက်ရတယ်..။ မစွန့်လွှတ်လို့လည်း မရတော့ဘူး။ အမေက ကျုပ်ကို နောက်ဆုံးအခေါက် ရေထဲပစ်ချတော့ ခြေထောက်နှစ်ဘက်ရော လက်နှက်ဘက်ပါကြိုးနဲ့ချည်ပြီး ပစ်ချတာဗျ။ ဒီလိုမျိုးဆိုတော့ ကျုပ်လည်း ဘယ်လိုမှ လုပ်လို့မရတော့ဘူး တကိုယ်လုံးကြိုးချည်ပြီး ပစ်ချတဲ့ အဆင့်ဆိုတော့ ကျုပ်လည်းရေထဲမြုပ်တာပဲ...။ ကျုပ်မှ မဟုတ်ပါဘူး အိုလံပစ်ပွဲမှာ အောင်ပန်းဆွတ်ခူးသွားတဲ့ ရေကူးချန်ပီယံ မိုက်ကယ်ဖေးလ် ဆိုလဲ တတ်နိင်မှာ မဟုတ်ဘူးလေ။

အဲဒီတော့မှ အကြောက်ကြီးကြောက်ပြီး ဆန်နဲ့မုန့်လဲစားတဲ့ မဟာလုပ်ငန်းကြီးကို စွန့်လွှတ်လိုက်ရတော့တယ်..။
ဒီတခါ အမေ့နည်းစနစ်က တော်တော်ပြင်းထန်တာကိုး...။ တခါတလေတော့လည်း တွေးမိတယ်။ တကယ်လို့ အဲဒီ့အဆင့်သာ ကျော်နိင်ရင် အမေကျုပ်ကို အရှုံးပေးရတော့မှာ သေချာတယ်။ အဲဒီထက်ကြောက်အောင် လုပ်ဘို့ဆိုတာ လည်ပင်းကို ခဲလုံးချည်ပြီး ပစ်ချမှ ရတော့မယ်ထင်တယ်လေ..။ အဲဒီလောက်တော့ အမေ့အသဲ မမာနိင်မှန်း ကျုပ်သိတယ်....။ ပြောရရင် ကျုပ်က အင်မတန် ခေါင်းမာတာဗျ...။လုပ်ချင်ရင် ဘယ်သူတားတာ ရအောင်လုပ်တတ်တယ်...။ အခုလည်း ဘယ်လိုမှ မဖြစ်နိင်တော့လို့သာ အရှုံးပေးလိုက်ရတာ...။

ကျုပ်ရေကူးတတ်လာတာလေး ပြန်သတိရမိတော့ စာဖတ်သူတွေကိုလည်း ရေကူးသင်ပေးချင်စိတ် ဖြစ်မိတယ်။ တကယ်လို့များ သာသင် အမှန်တကယ် ရေကူးတတ်ချင်တဲ့ စိတ်ဆန္ဒရှိခဲ့ရင် ကျုပ်အမေရဲ့ နည်းစနစ်တွေ အတိုင်း ပြန်သင်ပေးနိင်ပါတယ်ဗျာ ကျုပ်အတွက် အပန်း မကြီးလှပါဘူး...)



(ညောင်ရမ်းရဲ့ ငယ်ဘ၀ပါ )