စာမျက်နာ -၂၈

လွန်ခဲ့တဲ့ ၂၈ နှစ်က ကမ္ဘာကြီးထဲကို ကောင်လေးတယောက် မထင်မရှား ရောက်လာခဲ့တယ်...။ သူက ပါတ်ဝန်းကျင်ကို ဒုက္ခ မပေးခဲ့သလို အများကြီးလည်း ကောင်းကျိုး မပြုနိင်ခဲ့ပါဘူး...။ ကံပစ်ချထားသလို ရှင်သန် ချင်ခဲ့ပေမယ့် အတ္တကို မချိုးနှိမ်နိင်သေးတော့ လိုအပ်ချက်တွေ လိုချင်တာတွေက သူ့ကိုပူလောင် နေစေခဲ့တယ်။ သာယာတဲ့ကောင်းကင်ကို သူကြာကြာ ကြည့်ခွင့်မရခဲ့ပါဘူး...။

၁၉၈၁ မေလ ၂၂ ရက်နေ့ကစပြီး သူဟာ ကံကြမ္မာ ရေးထားတဲ့ စာမျက်နာတွေကို တဖြေးဖြေးချင်း ဖတ်ခွင့် ရခဲ့တယ်။ တချို့စာမျက်နာတွေကို ကျော်ပြီးဖတ်ချင်ခဲ့သလို...တချို့စာမျက်နာတွေကိုလည်းအပိုင် သိမ်းထား ချင်ခဲ့တယ်...။ ရက်စက်တဲ့နေ့တွေ သူစိမ်းဆန်တဲ့ညတွေကို ဖရိုဖရဲ ဖြတ်သန်းခဲ့ရတယ်...။ သာယာတဲ့ နွေရာသီတွေကို မျှော်လင့်ခဲ့ပေမယ့် သူရဲ့နေ့တွေညတွေက မုန်တိုင်းတွေများခဲ့တယ်...။

ငယ်ဘဝတွေကို ချို့ချို့တဲ့တဲ့ ဖြတ်သန်းခဲ့ရပေမယ့် သူ့မိဘတွေရဲ့ ချစ်ခြင်းမေတ္တာနဲ့ သူဟာလူတန်းစေ့ နေနိင် ခဲ့တယ်လို့ ယုံကြည်ခဲ့မိတယ်...။တချို့ကလေးတွေက ကားအကောင်းစားနဲ့ကစားနေချိန် သူကတော့ သူ့အဖေ လုပ်ပေးထားတဲ့ ကားလေးနဲ့ ကစားရင်း ပျော်ရွှင်နေခဲ့တယ်...။

တချို့ကလေးတွေက ခုံပေါ်မှာ တီဗီထိုင်ကြည့်နေချိန် သူက သံဇကာကွက်ကြားက ချောင်းခဲ့ရတယ်..။ တချို့ ကလေးတွေက ထမင်းစားပြီး သစ်သီးစားနေချိန် သူကတော့ ဆန်ထုတ်ဆွဲလာမယ့် အဖေ့အပြန်လမ်းကို စောင့်နေ ခဲ့တယ်...။ သူတို့ညီအကို ကစားခဲ့တဲ့ သရေ ဘော်လုံးက ဖာရာတွေ ဗရပွပေမယ့် ညနေတိုင်း သိမ်းဘို့ သူမမေ့ခဲ့ဘူး...။

တာရာမင်းဝေ ရေးထားတဲ့စာလို..“လင်းဝေစိမ်းမြတဲ့ ပန်းညများစွာထက် တစ္ဆေချောက်တဲ့ ညကို ပိုသတိရမိတယ်”သူ့ဘ၀မှာ မမေ့နိင်တဲ့ အရာတွေ တော်တော်များခဲ့တယ်...။
သူရဲ့ ကလေးဘ၀ ကစားခန်းတွေမှာ သူက ဗိုလ်မလုပ်ခဲ့ရဘူး...
စစ်သားလုပ်တမ်းကစားရင်တောင် သူက တပ်သားအဆင့်...
ဆရာဝန်လုပ်တိုင်းကစားရင် သူက လူနာအဆင့်...
ဈေးရောင်းတိုင်းကစားရင် သူက အရွက်တွေပဲ အမြဲခူးခဲ့ရတယ်..။ ငွေလို့သတ်မှတ်ထားတဲ့ စက္ကူစုတ်တောင်
ခဏခဏ ကိုင်ခွင့်မရခဲ့ဘူး။

အရွယ်ရောက်လာတော့ သူသီချင်းလေးတွေ နားထောင်တတ်လာတယ်။ ဘေးအိမ်ကဖွင့်တဲ့ ရဲသွင်ရဲ့ နှင်းဆီလှိုင်းများ သီချင်းကို လိုက်ဆိုတော့ ရွယ်တူအိမ်ရှင်ကောင်လေးက ကက်ဆက်ကို ပိတ်ပစ်ခဲ့တယ်..။
သူ့အကိုက ဈေးကို ချက်ချင်းပြေးပြီး အဲဒီသီချင်းစာအုပ် ၀ယ်ပေးခဲ့တယ်..။သူတင်းထားသမျှ မျက်ရည်ဝဲခဲ့ ဘူးတယ်။ သူတီးလုံးနဲ့သူ သီချင်းဆိုခဲ့ရပေမယ့် ကောင်လေးကျေနပ်ခဲ့တယ်..။ သူ့ဘ၀မှာ သာယာတဲ့ သံစဉ် မရှိခဲ့တာကို ကောင်းလေးက လက်ခံထားခဲ့တယ်လေ..။

ဘ၀မှာ အချစ်ကို စတွေ့တော့ သူတော်တော်ပျော်သွားခဲ့တယ်...။ သူတွေ့ခဲ့တဲ့ချစ်သူကို ကောင်လေး အရမ်းချစ်ခဲ့တာ။ သူချစ်နေတာကို ကောင်းမလေးသိခွင့်ရဘို့ နှစ် နှစ်တိတိကြာခဲ့ရတယ်..။သူ့အရှေ့မှာ ကောင်မလေးကို ကြိုက်တဲ့သူတွေများနေခဲ့တယ်..။သူဝင်တန်းမစီခဲ့ဘူး..။ ကောင်မလေးနဲ့ ချစ်သူဖြစ်ခွင့်ရဘို့ အားလုံးလက်လျှော့သွားမှ သူချစ်ကြောင်း ပြောခဲ့တယ်..။

ဇိမ်ခံကားပေါ်က သူ့ကောင်မလေးကို မြင်ခွင့်ရဘို့ ကောင်လေး စက်ဘီးတစီးနဲ့ မြို့ပါတ်နေခဲ့ရတယ်..။ ကောင်မလေးကို မမြင်ရတဲ့နေ့တွေမှာ သူ့ခြေထောက်တွေ ညောင်းတယ်...သူ့နှလုံးသားက ရေငတ်တယ်...။ သူ့ဘ၀ကို မပြည့်မစုံနဲ့ ပစ်ချခဲ့ပေမယ့် ကောင်မလေးနဲ့ ချစ်သူ ဖြစ်ခွင့်ရတာ တခုထဲနဲ့တင် သူ့ကံကြမ္မာကို လက်ဆွဲနှုတ်ဆက်ပေးခဲ့တယ်..။

သူ့အမေ မွေးပေးခဲ့တဲ့သူက ကောင်မလေးအတွက် ရှင်သန်ချင်ခဲ့တယ်...။ သူ့အမေ စိုက်ထားတဲ့ နှင်းဆီပန်းရုံလေးက ကောင်မလေးရဲ့ အပြုံးတချက်အတွက် ဖြစ်နေခဲ့တယ်..။သူတသက်လုံးသိမ် ငယ်သမျှ သူ့ချစ်သူကို လက်တွဲလျှောက်တော့ ရင်ဘက်တွေတောင် မို့မောက်ခဲ့ဘူးတယ်..။

ချစ်သူသက်တမ်း ၁ နှစ်ပြည့်ဘို့ ၁၂ ရက်အလိုမှာ သူ့အနားက ကောင်မလေး ထွက်ခွါသွားခဲ့တယ်..။
ကောင်မလေးက ဘ၀အတွက် စာသင်နေချိန် သူက ကောင်မလေးတွက် ကဗျာစပ်နေခဲ့တယ်..။
ကောင်မလေးက သူ့ကိုလွမ်းကြောင်း ပြောနေချိန်သူက လမ်းဘေးဖုန်းမှာ မျက်ရည်ဝဲနေခဲ့တယ်..။

ကောင်မလေး ပြန်လာမယ်ဆိုတော့ သူ့သူငယ်ချင်းအားလုံးကို လိုက်ကြွားခဲ့တယ်...။
သူဘယ်လောက်လွမ်းခဲ့ရကြောင်း ကောင်မလေးမျက်နာကို ကြည့်ပြီးပြောမယ်...
ချစ်သူပြောမယ့်စကားကို လက်ကလေးကိုင်ပြီး နားထောင်မယ်လို့ စိတ်ကူးတွေ ယဉ်နေခဲ့တယ်...။

ကောင်မလေးပြန်လာတဲ့နေ့မှာ ထွက်သွားတဲ့နေ့ကလို့ပဲ သူနာရီကို ထိုင်ကြည့်နေခဲ့တယ်.. စက္ကန့်တွေ ဘယ်လို ရွေ့နေသလဲ သူကြည့်နေဖြစ်တယ်..။စိတ်လှုပ်ရှားမှုကိုတောင် မဖုံးကွယ်နိင်ခဲ့ဘူး။။ ဒါပေမယ့် ကောင်မလေးရဲ့ ၁၀ ရက်ခရီးမှာ သူတို့ တကြိမ်ပဲ တွေ့ခွင့်ရခဲ့တယ်..။ ဒီလိုနဲ့ ကောင်မလေး ပြန်သွားခဲ့တယ်...။ သူနာကျင်စွာနဲ့ ကျန်ခဲ့တယ်..။ သူ့ရဲ့ဘ၀က အဲဒီလို အမြဲ အလွဲလွဲ အချော်ချော် ဖြစ်နေခဲ့တယ်။

ဘာပဲဖြစ်ဖြစ် သူထပ်စောင့်နေခဲ့တယ်...။
နောက်ထပ်နှစ်နှစ် ထပ်ကြာတော့ ကောင်မလေးနောက်တကြိမ် ပြန်လာခဲ့တယ်..။
ဒီတခါတော့ အရင်လို ကောင်မလေးပြန်လာခါနီး ရက်တွေမှာလို သူစက္ကန့်တွေကို ကြည့်မနေတော့ဘူး။

အရင်က စိတ်ပါလက်ပါ တံမြက်စည်း မလှဲခဲ့တဲ့ သူက တအိမ်လုံးရှင်းတယ်...မှန်တွေ ရေနဲ့ဆေးတယ် သူ့အမေရဲ့ ပန်းအိုးတွေ နေရာချတယ်...သစ်ခွတခက် ကျိုးသွားတော့ သူ့အမေက သူ့ကို ပြုံးပြုံးလေးကြည့်တယ်..။ အိမ်သာကို ရေဆေးတော့ သူ့အမေက သားကလည်း ၀န်ကြီးချုပ်လာမှာ မို့လို့လားတဲ့ အရာအားလုံးထက် အရေးကြီးတာကို အမေလည်းသိတယ် တအိမ်လုံးလဲ သိသိနဲ့ နောက်ကြတယ်လေ..။

အဲဒီတခေါက်မှာလည်း ကောင်မလေး သူ့အိမ်ဘက်ခြေဦး မလှည့်နိင်ခဲ့ဘူး...။သူတို့ ခဏပဲ တွေ့ခွင့်ရခဲ့ပြန်တယ်..။ သူ့အမေအတွက် ကောင်မလေးက သမီးလိမ္မာလေး ဖြစ်နေချိန်မှာ ကောင်လေးအတွက် သူ့တမိသားစုလုံးက စိတ်မကောင်းဖြစ်ခဲ့ရတယ်..။

သူ့ရဲ့ဘ၀မှာ အချစ်ဆုံးသူ နှစ်ယောက်ရှိခဲ့တယ်..။တယောက်က သူ့မေမေ...နောက်တယောက်က သူချစ်သူ ပါ...။ သူ့ကိုမွေးခါနီး ဗေဒင်သွားမေးတော့ မွေးလာမယ့်ကလေးက ကိုယ်ခန္ဓာမှာ ချွတ်ယွင်းချက်တခုခု ပါလာမယ်လို့ဟောတယ်။ ၁၀ လလုံးလုံး သင်္ချိုင်းကို တနေ့မျက်စောင်းသုံးခါထိုးပြီး သူ့ကိုလွယ်ထား ခဲ့ရတဲ့မေမေက စိတ်ပူပန်စွာနဲ့ ဝေဒနာတွေ ခံစားပြီး မွေးပေးခဲ့တယ်..။

သူလူ့လောကထဲ ရောက်လာတော့ မီးဖွားပြီးစ မေမေက အနားမယူနိင်ခဲ့သေးဘူး ဖေဖေ့ကို ကျွန်မသားလေး ဘာတွေများ ချွတ်ယွင်းချက်ပါသလဲတဲ့ တဖွဖွမေးနေခဲ့တယ်တဲ့လေ..။ ကိုယ်ဝန်လွယ်ထားရဲ့နဲ့ မေမေက ကောင်းမှုကုသိုလ်တွေ သူ့အတွက် လုပ်ပေးခဲ့တယ်။ ကိုယ်ဝန်ဆောင် မိခင်တယောက်ရဲ့ လိုအပ်တဲ့ အားပြည့်မယ့် အစာအဟာရထက် မွေးလာမယ့် သူ့အတွက် သတ်သတ်လွတ် စားပေးခဲ့တယ်..။ ဥပုသ် တွေ စောင့်ပေးခဲ့တယ်..။ မေမေ့ရဲ့မေတ္တာတွေကြောင့် သူချွတ်ယွင်းချက်မရှိဘဲ လူ့လောကထဲ ရောက်လာခဲ့တယ်..။

သူ့အမေသူ့ကို ချစ်သလို သူကလည်း သူ့အမေကို သိပ်ချစ်တယ်..။ အပြင်ကပြန်လာရင် အရင်ဆုံး ခေါ်မိတာ မေမေပါပဲ..။ ဘယ်သူ့အရှေ့မှာမဆို မေမေ သူ့ကို နမ်းစေချင်စိတ်နဲ့ သူပါးထိုးပေးတတ်တယ်..။ သူ့မေမေရဲ့ပါးလေးကိုလည်း မရမက လိုက်နမ်းတတ်တယ်..။

သူ့အသက် ၂၄ နှစ်မှာ သူချစ်တဲ့ မေမေ့ကို ခဏထားခဲ့ပြီး သူချစ်တဲ့ ကောင်မလေးဆီကို ထွက်လာခဲ့တယ်..။ သူ့ခရီးစဉ်ရဲ့ အစပိုင်းက မျှော်လင့်သလို ဖြစ်မလာခဲ့ပါဘူး. ၁၂ပေ ပါတ်လည် အခန်းလေးက သူ့ရဲ့ကမ္ဘာဖြစ်လာတယ်..။ ညတွေမှာ အမှောင်ချပြီး သူမျက်ရည်ကျခဲ့ရတယ်..။ သူ့ဘ၀မှာ နာကျင်တိုင်း မေမေ့ကို တမ်းတလွန်းလို့ နှုတ်ကတောင် မေမေလို့ ခဏခဏအသံထွက်မိတယ်။

သူပျော်နေမယ်ထင်ပြီး စိတ်ချမ်းသာနေမယ့် မေ့မေ့ကို သူပျော်ရွှင်နေကြောင်း ပြောပြခဲ့တယ်..။ သူမေမေဆီ ဖုန်းဆက်တိုင်း မေမေက ငါ့သားအတွက် ထီထိုးပေးနေတယ်... ဒါမှ ငါ့သားပြန်လာလို့ရမှာလို့ အမြဲ ပြောတတ်တယ် မြန်မာပြည်မှာ သူအုံးခဲ့တဲ့ ခေါင်းအုံးလေးကို မေမေ ညတိုင်း ပွေ့ဖက်ပြီး အိပ်တယ်တဲ့လေ...။

သူက အချစ်ကြောင့် အိပ်မပျော်တဲ့အချိန် မေမေက သူ့ကိုသတိရ စိတ်နဲ့ အိပ်မရခဲ့ဘူး...။ သားနောက်နှစ် ပြန်ခဲ့မယ် ပြောတော့ သူ့မေမေက သားမပျော်ရင် ပြန်လာလေ..မေမေလည်းလွမ်းလှပြီ ထီကလည်းမပေါက်နိင် သေးဘူးတဲ့ မေမေ ခပ်ရွှန်းရွှန်းပြောပေမယ့် သူ့မေမေ တကယ်လွမ်းနေတာယုံကြည်မိတယ်။

သူ့မေမေက သူ့အတွက်အနန္တမေတ္တာရှင်ပါပဲ....။ သူ့ရဲ့နာမည်ကို သူ့မေမေက ကိုယ်ဝန်လွယ်ထားကတည်းက ပေးထားတာတဲ့လေ..။ မေမေပေးထာတဲ့နာမည်နဲ့ သူ့မွေးရက်က နေ့နံတူညီတာတော့ ထူဆန်းမှု မဟုတ်ရင် မေမေ့ရဲ့ အနှိုင်းမဲ့တဲ့ ချစ်မေတ္တာကြောင့်ပဲ ဖြစ်မယ်ထင်ပါတယ်။

သူ့ရဲ့မွေးနေ့တိုင်း မေမေ ဘုရားသွားပြီး ကောင်းမှုကုသိုလ် လုပ်ပေးခဲ့တယ်..။
ဒီနေ့လည်းမေမေ ဘုရားသွားလိမ့်မယ်လို့ သူယုံကြည်ပါတယ်။

။..............................................................။

ကံကြမ္မာရေးထားသော နောက်ထပ် စာမျက်နာပေါင်းများစွာ ကို သူထပ်ပြီးဖတ်ခွင့်ရ နိင်သေးသည်။

ကံကြမ္မာသာ သဘောတူခဲ့ရင် သူ့စာမျက်နာ တိုင်းရဲ့ ထိပ်ဆုံးတွင် “မေမေ” လို့ နာမည်ရေးထိုးပေးစေချင်ပါသည်။

ကျွန်တော့်ကို မွေးဖွားပေးခဲ့တဲ့ ချစ်တဲ့မေမေ့ကို ဆပ်မကုန်နိင်လောက်အောင် ကျေးဇူးတင်ပါတယ်မေမေ..။

။.......................................................................။

(မေလ ၂၂ ရက် မှာကျရောက်တဲ့ ကျွန်တော့်ရဲ့ မွေးနေ့အမှတ်တရ အဖြစ် ရေးပါတယ်..။
လာလည်တဲ့သူငယ်ချင်းတွေ အားလုံးကိုလည်း ဒီစာစုလေးနဲ့ပဲ ဧည့်ခံပါတယ်)
.......................................
cbox မှာ ဆုတောင်းပေးကြသော ကွန်မန့်တွေပေးပြီး ပျော်ရွှင်စေတဲ့ သူငယ်ချင်းများ အားလုံးကိုလည်း
ကျေးဇူးတင်ပါတယ်။
ဒီစာရေးနေချိန်မှာလဲ online ပေါ်ကနေ ကျွန်တော့်နာမည်နဲ့ သူငယ်ချင်းများစွာ ဆိုတဲ့ သီချင်းတောင်းပေးခဲ့တဲ့ငယ်သူငယ်ချင်းဖိုးသူ ကိုလည်း ကျေးဇူးတင်ပါတယ်...