မုန့်အလကားစားနည်း

ကျုပ်ဘ၀မှာ ထူးထူးဆန်းဆန်းကြုံတွေ့ခဲ့ရတာတွေ အများကြီးရှိခဲ့သလို မှတ်မှတ်ထင်ထင် ရှိတဲ့ အဖြစ်အပျက်တွေလည်း အများကြီးပါပဲ။ အဲဒီထဲက အခုပြောပြချင်တာ မုန့်အလကားစားနည်းပါ။ ကျုပ်ဘဝမှာ မုန့်အလကားစားခဲ့ရတဲ့ ဂွင် တစ်ခု ကြုံခဲ့ရတယ်။ စားရတာမှ ခဏလေး မဟုတ်ဘူးနော်။ နှစ် နှစ်လောက်အထိကို အလကားစားရတာ။ အော် .. စေတနာရှိလို့ ကျွေးတာမဟုတ်ပါဘူးဗျာ။ ခွင်( ဂွင်) လို့ပဲ ဆိုဆို အညှာကိုင်မိတယ်လို့ပဲ ပြောပြော တဘက်သား လွန်ဆန်မရတဲ့ အချက်တစ်ခုကို အပိုင်ကိုင်ထားလို့ ဒီလို စားခဲ့ရတာ။ အဖြစ်က ဒီလို...

ကျုပ်မှာ အစ်မတစ်ယောက်ရှိတယ်။ အစ်မနဲ့ကျုပ်က အသက် ၂ နှစ်လောက်ပဲကွာတာဗျ။ ကျုပ်အသက် ၁၃ နှစ်လောက်ရှိတော့ အစ်မနဲ့ အရပ်အမောင်းချင်း ရွယ်တူတန်းတူ ဖြစ်လာတယ်။ ဒီတော့ ကျုပ်အစ်မရဲ့ သူငယ်ချင်းတွေနဲ့ လည်း ရွယ်တူဖြစ်လာတာပေါ့။

အစ်မရဲ့သူငယ်ချင်းတွေထဲမှာ ဟိန္ဒူဘာသာဝင်ကောင်မလေး တယောက်ရှိတယ်ခင်ဗျ။ သူတို့မိသားစုက ကျုပ်တို့ အိမ်ရှေ့မှာ လေးတိုင်စင်တဲလေးထိုးပြီး တိုရှည်ဆိုင်လေးဖွင့်တယ်။ တိုရှည်ရောင်းတာက ကျုပ်အစ်မရဲ့ သူငယ်ချင်း အဲဒီကောင်မလေးပေါ့။ ကျုပ်ထက် နှစ် နှစ်လောက်ကြီးပေမယ့် ကျုပ်ကတောင် အရွယ်ပိုကြီး ပါသေးတယ်။ ဒါပေမယ့် ကျုပ်က ဗလ အားကိုးနဲ့ မုန့်အလကားစားခဲ့တာ မဟုတ်ပါဘူး။

စေတနာရှိလို့ ကျွေးတာမျိုးလည်း မဟုတ်သလို သူနဲ့ရည်းစားဖြစ်လို့လဲ မဟုတ်ဘူးဗျ။ ဘာကြောင့်ဆိုတာ ပြောပါ့မယ်ဗျာ။ ပြောချင်လို့လည်း ဒီလိုနိဒါန်းတွေ ချီနေရတာပေါ့။

အဓိက က ခွင်(ဂွင်)ကောင်းကောင်း မိဘို့လိုတဲ့အကြောင်းပြောချင်တာပါ။

အဲဒီခွင်ကြောင့် ကျုပ် နှစ်နှစ်လောက် တိုရှည် အလကားစားခဲ့ရတယ်။

မနက်မိုးလင်းလို့ ကျုပ်ကိုတွေ့တာနဲ့ အဲဒီကောင်မလေးက ဘာမှ မပြောဘူး။ တန်းပြီး တိုရှည်တခု လုပ်ပေးရတယ်။ မပေးလို့လည်း မရဘူးလေ။ ကျုပ်မှာ သူ့ကြောက်တဲ့ လျှို့ဝှက်ချက်တခု ရှိတာကိုး။ အမှန်တော့ အနိင်ကျင့်တာဗျ။ ဒါလည်း အသက်ကြီးမှပဲ သိတာပါ။ တော်သေးတာက တိုရှည်တခုက ဘယ်လောက်မှ တန်ဖိုးမရှိတော့ သူ့အတွက် သိပ်တော့မထိ ခိုက်ပါဘူးလေ။

ကျုပ်ရဲ့ခွင်ကို သိချင်ကြမှာပဲ။ ပြောပါ့မယ်ဗျာ...အဖြစ်ကဒီလိုပါ။

မနက်ဆိုရင်စောစော မနိုးတတ်တဲ့ ကျုပ်ကို နတ်ကောင်းနတ်မြတ်တွေက မ ချင်လို့လားမသိဘူး။ တနေ့တော့ ကျုပ်အစောကြီးနိုးလာတယ်။ အဲဒါနဲ့ ဘာရယ်မဟုတ်ဘဲ ခြံရှေ့ကိုထွက်လာဖြစ်တယ်။ စောသေးတော့ တိုရှည်တဲမှာ ဝယ်သူမရှိဘူး။ ကောင်မလေးတောင်  မီးဖိုကာစပဲ ရှိသေးတယ်။

တိုရှည်တဲနားကို ကျုပ်ရောက်တဲ့အချိန် သူက တိုရှည်ဒယ်အိုးကို အ၀တ်တခုနဲ့ ပွတ်နေတယ်။ ကျုပ်အနားရောက်နေတာ သူမသိဘူး။ ကျုပ်က သူလုပ်တာကို ဘာရယ်မဟုတ် ကြည့်နေရင်း သူဒယ်အိုးပွတ်တဲ့ အ၀တ်ကို ကြည့်မိတော့ တခုခုနဲ့ တူတယ်လို့ ထင်မိတယ်။

သူ့အနားကို တိတ်တိတ်လေးကပ်သွားပြီး ကြည့်တော့ ကျုပ်ထင်တာသေချာသလောက်ဖြစ်နေတယ်။ အဲဒါနဲ့ သူသုတ်နေတဲ့ အ၀တ်စကို ဖျတ်ခနဲ ဆွဲယူပြီးကြည့်လိုက်တော့  သူသုတ်နေတဲ့ အ၀တ်စက အမျိုးသမီး အတွင်းဝတ် ဘော်လီ ဖြစ်နေတာကိုး။ အဲဒီအဝတ်လို့ ထင်ထားပေမယ့် လက်ထဲပါလာတာဆိုတော့ ကျုပ်တောင်လန့်သွားသေးတယ်။

“နင် ဒယ်အိုးကို ဒီအ၀တ်နဲ့ သုတ်နေတယ် ဟုတ်လား”
ကျုပ်က အဲဒီအဝတ်ကို ပြန်မပေးဘဲ မေးတော့ သူဘာမှ ပြန်မပြောဘူး။ မျက်စိမျက်နာပျက်လို့။ 
 
“ အေး ငါ သူများတွေကို လျှောက်ပြောမယ်” 

ဆိုတော့မှ စီးပွါးပျက်မှာ စိုးလို့နဲ့တူပါရဲ့ပြာပြာသလဲ တောင်းပန်ရှာတယ်။ လျှောက်မပြောပါနဲ့တဲ့ သူဒီနေ့မှ အ၀တ်စုတ်ချင်း မှားပြီးယူလာမိတာပါ။ ခဏနေလို့ သူ့အမေလာမှ သွားပြန်လဲမလို့ပါ ဆိုပြီးရှင်းပြတယ်။ သူပြောတာဟုတ်မဟုတ် မသိပေမယ့် ဘော်လီကတော့ အစုတ်ကြီးဆိုတာတော့ အမှန်ပဲဗျ။

အဲဒါနဲ့ ကျုပ်က “အေး.. မပြောစေချင်ရင် ငါ့ကို နေ့တိုင်း တိုရှည်ကျွေးရမယ် ဆိုပြီးညှိတော့ သူက သဘောတူတယ်။ အဲဒီနေ့ကစပြီး ကျုပ်အတွက်တော့ အေးရာအေးကြောင်း စားရိတ်ငြိမ်း ဖြစ်သွားတယ်။ ကျုပ်ကိုမြင်တာနဲ့တိုရှည်ကျွေးရတော့တာပဲ။ သူက နေ့တိုင်း တိုရှည်ကျွေးပေမယ့် ကျုပ်က သူ့ဆီသွားတဲ့ ပုံကို ပြောပြချင်သေးတယ်။

မနက်မိုးလင်းရင် ကျုပ်က တိုရှည်တဲကိုသွားတယ်။ သွားပုံက ရိုးရိုးတန်းတန်း သွားတာမဟုတ်ဘူး။ ဟိုအရင်က မြန်မာဇာတ်ကားတွေ ကြည့်ဖူးကြတယ် မဟုတ်လား။ အဲဒီထဲက ဇာတ်ဝင်ခန်း ပုံစံမျိုး သွားတာ။

အိမ်မှာဘယ်သူမှ မရှိချိန် ဦးကျောက်လုံးက အိမ်ဖော်မလေး အခန်းထဲ ၀င်သွားတဲ့ ပုံစံမျိုးလေ။ ပုံစံက ဒီလိုလေး။ ခြေထောက်ကို အမြင့်ကြီးမပြီးမှ  တချက်ချင်း ချလှမ်းတဲ့ ၀ံ့ဝံ့ကြွားကြွား ပုံစံမျိုးနဲ့ တိုရှည်တဲကို သွားတာလေ။ ပါးစပ်ကလည်း ပြောလိုက်သေးတယ်။ 

 “ဟေ့...ကောင်မလေး ငါလာပြီနော်” ဆိုပြီး အသံကို လေးလေးပင်ပင် ပီပီသသကြီး ပြောတာ။
  ကြွက်ကို ကြောင်က ခြောက်တဲ့ ပုံစံမျိုးနဲ့ ဆင်တူမယ်ထင်ပါရဲ့။

ကုလားမလေးတော့မသိဘူး။ ကျုပ်တော့ အဲဒီပုံစံ အခုပြန်တွေးရင် ကျုပ်ကိုကျုပ်တောင် အမြင် ကပ်မိတယ်။ ကလေးဘ၀လည်းဖြစ်ပြန် နိင်ကွက်ကလဲ ရှိထားတော့ အမြင်ကပ်လည်း ဂရုမစိုက်ဘူးဆိုတဲ့ သဘောနဲ့တူပါရဲ့ဗျာ။ ကုလားမလေးခမျာ ဘာမှပြန်မပြောရဲဘူး။ တိုရှည်တခုလုပ်ပြီး ကျုပ်ကို ပေးရတာပဲ။

ဒီကြားထဲ ကျုပ်က သူမေ့သွားမှာ စိုးလို့ ဘော်လီအဝတ်စုတ်ကိစ္စကို ခဏခဏ အစဖော်ပြီး ချိန်းခြောက်ရသေးတယ်။အဲဒီလိုနဲ့ ကျုပ်နှစ်နှစ်လောက် တိုရှည်အလကား စားခဲ့ရတာပေါ့ဗျာ။ 



ပိုင်လှချည်လား ညောင်ရမ်းရယ်လို့ မိတ်ဆွေတို့ အားကျရင်တော့ ကျုပ်လုပ်သလို ဆိုင်တဆိုင်ရှေ့ကို စောစောစီးစီးသွားပြီး ၀ီရိယရှိရှိ သွားစောင့်ကြည့်ကြဗျာ။ စောစောထတဲ့ငှက် အစာပိုရတတ်တယ် မဟုတ်လား။
အဲ...မသင်္ကာလို့ ရဲခေါ်ရင်တော့ ကျုပ်နဲ့မဆိုင်ဘူးနော်..။

။....................................................................။