သင်္ချိုင်းအကြောင်း

ကျုပ်ဘ၀မှာ ထူးထူးခြားခြားနာမည်တလုံးကို လူပျိုပေါက် အရွယ်အထိရခဲ့ဖူးတယ်။ အဲဒီနာမည်က လွယ်လွယ်နဲ့ ရခဲ့တာတော့ မဟုတ်ပါဘူး။ထူးထူးခြားခြားတွေ ဖြစ်လေ့ရှိတဲ့ ကျုပ်အတွက် ဒါဟာလည်း အမှတ်တရ အဖြစ် အပျက်တခုနဲ့ပါတ်သတ်ပြီး ရခဲ့တာပါပဲ...။ကမြင်းကျော အထလွန်ပြီး ရခဲ့တဲ့ နာမည်လို့ပြောရမှာပဲ...။ ကျုပ်တို့ လေးတန်း ရောက်တော့ အစိုးရစစ်စာမေးပွဲနဲ့တိုးတယ်။ အစိုးရစစ်ဆိုတော့ ကျုပ်တို့လည်း သိပ်ပေါ့ပျက်ပျက် မလုပ်ရဲဘူး သေသေချာချာစာကျက်ရတယ်။ ကျောင်းကဆရာမတွေကလည်း ညဘက်တွေမှာ ရပ်ကွက် တွေကိုအလှည့်ကျ စာလိုက်သင်ပေးတယ်..။

ဆရာမတွေနေတဲ့ရပ်ကွက်က ကျုပ်တို့ရပ်ကွက်ရဲ့ ဘေးရပ်ကွက်ပေါ့...။အခုချိန်မှာ ရပ်ကွက်လို့သာပြောပေမယ့်
အဲဒီအချိန်ကတော့ရွာသာသာပါပဲ။မီးမရှိတဲ့အပြင် အဆိုးဆုံးက ကျုပ်တို့ရပ်ကွက်နဲ့ ဆရာမတွေနေတဲ့ ရပ်ကွက်ရဲ့ ကြားမှာ သင်္ချိုင်းကုန်းတခုရှိတယ်။ အထင်ကရ သင်္ချိုင်းကြီးပေါ့။ အဲဒီသင်္ချိုင်းဝင်းကြီးက အကျယ်ကြီးပဲ။ အဲဒီဝင်းထဲ မှာမှ တရုတ်သင်္ချိုင်းရော မြန်မာရော မွန်ရော သူ့အပိုင်းနဲ့သူခွဲထားတာ ဝင်းကြီးကကျယ်လွန်းပြီး တချို့နေရာ တွေမှာ အပင်တွေကတောအုပ်အသေးစား လောက်တောင် ပေါက်နေလို့ ဟိုးအရင်တုန်းက ကျားမတကောင် တောင် သားလာပေါက်ဖူးတဲ့အထိပဲ...။

ညဘက်တွေမှာ ဆရာမတွေက စာသင်ပြီး ပြန်ရင် ကျုပ်တို့ ကျောင်းသားတွေက သင်္ချိုင်းဘေးက လမ်းမအတိုင်း ပြန်လိုက်ပို့ကြရတယ်။ကျောင်းသားကျောင်းသူ အယောက် ၂၀ ကျော်ပေါ့။ လူများတော့လည်း မကြောက်ကြ ပါဘူ။ တချို့ညတွေမှာ ဆရာမတွေ ပြန်ပို့ပြီးလို့ ပြန်လာရင် အဲဒီသင်္ချိုင်းနေရာရောက်တာနဲ့ ကျုပ်နဲ့ရွှေတိုးနဲ့ လောင်းကြေးစားကြေး လုပ်ကြတာပဲ။ အဲဒီဝင်းကြီးရဲ့ အလယ်လောက်မှာ မြန်မာသင်္ချိုင်းတခုရှိတယ်..။ ဇရပ်တခု ရှိပြီး ကိုးတောင်ပြည့် စေတီလေးတဆူလည်းရှိတယ်။ ကျုပ်တို့လောင်းတာက အဲဒီစေတီဘေးက ဇီးသီးပင်ကနေ ဇီးသီးတလုံးခူးပြီး ပြန်ထွက်လာဘို့ လောင်းကြတာ...။ ကျုပ်တို့လောင်းတော့ ကျန်တဲ့ သူငယ်ချင်းတွေက ၀ိုင်းတား ကြတာပေါ့...။ညကြီးမိုးချုပ် မ၀င်စေချင်ဘူးလေ..။

ကျုပ်အတွက်ကတော့ နေ့ခင်းနေ့လည်တိုင်း အဲဒီ ဇီးသီးသွားခူးပြီ ကစားနေကြဆိုတော့ ကြောက်ရကောင်းမှန်း လည်းမသိပါဘူး။မြေပုံအဟောင်းတွေက ခွေးတွေဖော်ထားတဲ့ အရိုးခေါင်းတွေ ကောက်ပြီး မျက်လုံးနှစ်လုံး နေရာမှာဇီးသီးနှစ်လုံး ထည့်ပြီး အဲဒီခေတ်က နာမည်ကြီးတဲ့ သိုက်သမိုင်းကားတွေထဲက စုန်းဆရာကြီးတွေ လုပ်တမ်းကစားကြတာကိုးဗျ..။ အဲဒီဇီးပင်ကလည်း ရေခံမြေခံ ကောင်းလို့လားမသိဘူး...။အပင်အောက်ဝင်ပြီး လက်ကိုသာ အပေါ်ဆန့်လိုက်ရင်ဇီးသီးတလုံးတော့ စမ်းမိတာပါပဲ...။အဲဒီလောက်အထိကို ပြွတ်ခဲနေအောင် သီးတာ...။ရွှေတိုးကလည်း အဲဒီလိုပဲ သူကလည်း ၀င်ခူးရဲတယ်ပေါ့...။အဲဒါနဲ့ ၅ ကျပ်ကြေး လောင်းဖြစ်ကြရော။

ပထမနေ့တွေမှာ သူရော ကျုပ်ရော ဇီးသီး ၀င်ခူးတာ နှစ်ယောက်လုံး ဇီးသီး ခူးလို့ ရတော့ လောင်းကြေးက ဘယ်သူ့ဘယ်သူမှ မနိင်ဘူး ဖြစ်နေတယ်..။ညတိုင်းတော့ ၀င်ခူးဖြစ်တာမျိုးမဟုတ်ပါဘူး..။နှစ်ယောက်လုံး စိတ်ပါတဲ့နေ့မှပါ...။အားတိုင်းယားတိုင်း သင်္ချိုင်းထဲ ၀င်ဘို့အတွက်တော့လည်း စိတ်မသန့်ဘူးပေါ့။ တစ်ညတော့ ပြဿနာ တက်မယ့်ညမို့လို့နဲ့တူပါရဲ့ နှစ်ယောက်စလုံး လောင်းကြေးအတွက် တက်ကြွနေလိုက်ကြတာ။ ရွှေတိုးက စပြီးစိန်ခေါ်တာနဲ့ ပွဲက ဖြစ်ရောဆိုပါတော့။ ဒီတညတော့ အရှုံးအနိင်ပေါ်အောင်ဆိုပြီး အချိန်မှတ်ဖို့ပါ ရွှေတိုးက ပြောလာတယ်...။သဘောက ဇီးသီးခူးရုံနဲ့တင်မရသေးဘူး ...ဘယ်သူအမြန်ဆုံး သင်္ချိုင်းထဲက ပြန်ထွက် လာမလဲဆိုတာကိုပါ ထည့်တွက်ရမယ်ပေါ့။ အချိန်ပိုမြန်ပြီး ဇီးသီးလည်းပါလာမယ့် သူက အနိင်ဆိုပြီး လောင်းကြတယ်...။

အဲဒီအချိန်မှတ်ဘို့ကလည်း ရွှေတိုးပဲ အစဆွဲတာပါပဲ။ သူက ဒီတခါတော့ အဖြေပေါ်အောင် အချိန်နဲ့လုပ်မယ် ဆိုပြီးပြောတာနဲ့ကျုပ်လည်းလက်ခံလိုက်တာလေ..။ကျုပ်ကတော့ ရှုံးတာနိင်တာနောက်မှထား စိန်ခေါ်ရင်တော့ ပြိုင်လိုက်ချင်တာ ဘာဗီဇမှန်းမသိပါဘူး။ ဒါနဲ့ပွဲဖြစ်ပါလေရော။ အရင်ပွဲတွေလိုပဲ သင်္ချိုင်းထဲ ကျုပ်က အရင် ဝင်တယ်။ သင်္ချိုင်းထဲ ၀င်ပြီးတာနဲ့ ကျုပ်က နေ့ခင်းနေ့လည်ဘက် သွားနေကြလမ်းတွေအတိုင်း အုတ်ဂူတွေ ကြားကနေ ကွေ့ပါတ်ပြေးတော့တာပဲ...။တချို့မြေပုံအဟောင်းတွေကိုတော့ ကျော်လွှားရတာပေါ့...။ မြေပုံအသစ် ရှိတဲ့ဘက်ကတော့ မသွားဘူး ဒါတော့စိတ်မသန့်ဘူးလေ...။

ဇီးပင်အောက်ရောက်တော့ ခပ်မြန်မြန်တလုံးခူးပြီး သင်္ချိုင်းဝကို ပြန်ပြေးရပြန်ရော။ အချိန်မှတ်တာဆိုတော့ မြန်လေ ကောင်းလေပဲပေါ့။ ကျုပ်အ၀င်ဝကို ပြန်ရောက်တော့ အားလုံးပေါင်း ၆ မိနစ်နဲ့ စက္ကန့်စွန်းတယ်လေ။ ကျုပ်ရဲ့စံချိန်ကိုကြည့်ပြီး ရွှေတိုးက ပြုံးတယ်။ သူ့အတွက်တော့ ဒီပွဲက အေးဆေးဆိုတဲ့ အပြုံးလားတော့ မသိဘူး။ လေကိုအားရပါးရ တချက်ရူပြီး ရွှေတိုး သင်္ချိုင်းထဲ ပြေးဝင်သွားတော့တယ်။ သိပ်မကြာပါဘူး ခန့်မှန်းခြေ တစ်မိနစ် ကျော်ကျော်လောက်မှာပဲ ရွှေတိုးရဲ့ အော်သံနက်ကြီး ထွက်လာတယ်....။

“အားးးးးးးး ”
“ကြောက်ပါပြီဗျ”

ဆိုပြီး အော်သံကြားတော့ ကျုပ်တို့လည်း ထိတ်ထိတ်ပြာပြာဖြစ်သွားရတယ်..။ဘာများဖြစ်တာပါလိမ့် သရဲများ ဂုတ်ချိုးပြီလား ဆိုပြီး ဟိုတွေးဒီတွေးနဲ့ပေါ့...။ ပါလာတဲ့သူငယ်ချင်းတွေလည်း ကြောက်လန့်ပြီး ဘုရားစာ ရွတ်တဲ့ သူကရွတ်ကြ အော်တဲ့သူက အော်ကြနဲ့ ခဏလောက်တော့ကမ္ဘာပျက်သလိုပါပဲ။ ကျုပ်လည်းဘယ်သူမှထိန်းလို့ မရတော့ဘူး။ တချို့ကလူကြီးတွေ ပြေးခေါ်ကြတယ်။ 

ခဏလောက်နေတော့ကျုပ်တို့ရပ်ကွက်ထဲကလူကြီးတွေ ရောက်လာကြတယ်။ ရွှေတိုးဆီကလည်း
 အော်သံနက်ကြီးထွက်လာပြီးတဲ့နောက်ပိုင်း ဘာသံမှမကြားရတော့ဘူး။ 
အဲဒီတော့မှ ကျုပ်လည်း တွေးကြောက်မိတော့တာ...။ ရွှေတိုးတခုခုဖြစ်သွားရင် 
ကျုပ်လည်းမချောင်ဘူးလေ..။ အဖိုးက အမှန်အကန်ရိုက်တော့မှာသိနေတယ်..။

လူကြီးတွေလည်း လက်နှိပ်ဓါတ်မီးတွေနဲ့ သင်္ချိုင်းထဲဝင်သွားတော့ ကျုပ်လည်းဘုရားတပြီး လိုက်သွားရတယ်။
ရွှေတိုးကို ဂုတ်ကျိုးပြီးများ တွေ့ရမလားလို့ တွေးမိသေးတယ်..။လက်နှိပ်ဓါတ်မီးတွေ မီးအိမ်တွေနဲ့ ဟိုရှာဒီရှာ လုပ်နေလို့နောက်ဆုံးတော့ ကျုပ်ကပဲ အရှေ့ကနေလမ်းပြရတော့တယ်..။ ဇီးပင်ဆီသွားရာလမ်းတလျှောက် ကျုပ်က ရှေ့ကခေါ်သွားရင်း ဘေးဘီဝဲယာကိုလည်း ရှာကြတာပေါ့။ လက်နှိပ်ဓါတ်မီးနဲ့ ဟိုထိုးဒီထိုးရင်း တယောက်က ဟိုမှာ သရဲသရဲလို့ အော်လိုက်တော့ အားလုံးဝိုင်းကြည့်လိုက်ကြတယ်။

အုတ်ဂူတလုံးထဲကနေ ကုန်းထလာတဲ့ မဲမဲကောင်ကြီးကို လက်နှိပ်ဓါတ်မီးရောင်အောက်မှာ တွေ့ရတာ ဖြုန်းခနဲ ခေါင်းမွှေးတွေတောင် ထောင်ထပြီး
ခေါင်းလည်းပုတ်လောက်ကြီးဖြစ်သွားတယ်။ ရင်ထဲမှာလည်း တဆတ်ဆတ်နဲ့ ကိုတုန်နေတာပါပဲ။ အုတ်ဂူထဲကနေသရဲကြီး ကုန်းထလာတယ်ထင်ပြီး လူကြီးတွေရဲ့တဂတ်ဂတ်နဲ့ မေးရိုက်သံ တွေထွက်လာတယ်။

ကျုပ်လည်း မျက်လုံးတွေပြာပြီး ဒူးတွေ ချောင်ကုန်လို့ အနားက လူကြီး တယောက်ရဲ့ လက်ကို အတင်းဖမ်းဆွဲ ထားရတယ်။ သရဲအကြောင်းတွေးနေချိန်မှာ မဲမဲကောင်ကြီးကို အုတ်ဂူထဲက ကုန်းထနေတဲ့ပုံမြင်ရတာ ဖြုန်းခနဲဆိုတော့ လိပ်ပြာလွင့်မတတ်ပါပဲ။ကြောက်ကြောက်နဲ့ လက်နှိပ် ဓါတ်မီး ၀ိုင်းထိုးတော့မှ သရဲမဟုတ်ဘဲ ကျုပ်တို့လိုက်ရှာနေတဲ့ရွှေတိုးဖြစ်မှန်းသိလိုက်ရတော့တယ်..။


ရွှေတိုးပုံစံကိုမြင်အောင်ပြောရရင် အုတ်ဂူထဲမှာ ကိုယ်တပိုင်းမြုပ်နေပြီး အပေါ်ပိုင်းက ကုန်းကုန်းကြီး ဖြစ်နေ တာ။လူကြီးတွေလည်း အပြေးအလွှား ပြေးကြည့်ကြတော့ ရွှေတိုးက သတိမေ့နေတယ်။ ဒါနဲ့ ရွှေတိုးကို အုတ်ဂူထဲကကမန်းကတမ်း ဆွဲထုတ်ပြီး သင်္ချိုင်းအပြင်ကိုသယ်သွားကြတော့တယ်။ ရပ်ကွက်ထဲအထိ သယ် သွားပြီး ရွှေတိုးအိမ်ရောက်တော့ ဒီကောင့်ကို နှာနှပ်တဲ့သူက နှပ်ပေးတယ်..။
သောက်တော်ရေတွေ ပရိတ်ရေတွေ ဖြန်းပေးကြ လည်ပင်းပုတီးစွပ်ပေးနဲ့ တော်တော်ကြာတော့
ရွှေတိုးသတိရလာတယ်..။ အဲဒီတော့မှ သတိထားမိတာ ရွှေတိုးရဲ့ ညာဘက်လက် ကျိုးသွားတာလား
အဆစ်လွဲသွားတာလား မသိဘူး။ တညည်းညည်းတညူညူနဲ့ အော်နေတော့ တာပဲ...။

အဲဒီမှာရွှေတိုးကို လူကြီးတွေက ဘာဖြစ်တာလည်း သရဲနဲ့တွေ့ခဲ့တာလား မေးကြတာပေါ့။ အဲဒီမှာ ရွှေတိုးက သူ့ရဲ့သင်္ချိုင်းတွင်းခရီးစဉ်ကို ပြန်ပြောပြတော့တာပဲ။ ကျုပ်နဲ့လောင်းထားတာနိင်ချင်လို့ ရွှေတိုးက သင်္ချိုင်းထဲ ရောက်တော့ကျုပ်ပြေးသလို မြေပြင်တွေပေါ်က မပြေးဘူး။ မြေပြင်ပေါ်ကဆို အုတ်ဂူတွေ ရှောင်ရတော့ ကြာတယ်ဆိုပြီး အုတ်ဂူတလုံးကနေ နောက်တလုံးကို ခုန်ကူးပြီးပြေးတာကိုးဗျ..။ သူပြောမှ ကျုပ်စဉ်းစားမိတာ အဲဒီလိုသွားရင် ဇီးပင်ဆီရောက်တာ တော်တော်မြန်တယ်ဗျ။ ဒီကောင်က အဲဒီလိုသွားဘို့ စိတ်ကူးရထားလို့ ကျုပ်ကို အချိန်နဲ့မှတ်ပြီး လောင်းမယ်လို့စိန်ခေါ်တာကိုးဗျ။ အဲဒါရွှေတိုးခမျာပြေးရင်းနဲ့ အုတ်ဂူတခုကနေ နောက်တလုံးကို ခုန်ကူးတာ နောက်အုတ်ဂူက သက်တမ်းကြာပြီဆိုတော့ဆွေးမြေ့နေတာ တခါတည်း အုတ်ဂူထဲ ကျွံကြတော့တာပဲ...။

သူ့စိတ်ထဲမှာ သရဲကသူ့ခြေထောက်ကို အောက်ကနေ ဆွဲချလိုက်တယ်ထင်ပြီး ငယ်သံပါအောင် အော်ပြီး မေ့ သွားတာဗျ။ အုတ်ဂူထဲ အရှိန်နဲ့ ကျတော့ လက်ထောက်လိုက်မိတာ လက်ပါကျိုးသွားတဲ့ကိန်း ဆိုက်တော့တာပဲ။
ရပ်ကွက်ထဲမှာလည်း အဲဒီအကြောင်း အုတ်အော်သောင်းနင်း ဖြစ်နေတော့ ကျုပ်အဖိုးကိုယ်တိုင် ရောက်လာပြီး ကျုပ်ကိုလာခေါ်သွားတော့တယ်။ အိမ်ရောက်တော့ ဘာပြောကောင်းမလဲ တိုင်မှာကြိုးတုပ်ပြီး ရိုက်တာများ ၄ /၅ ရက်နေမှ အရှိုးရာတွေပျောက်တော့တယ်။ အရိုက်ခံရတဲ့ အရှိုးရာတွေက ၅ ရက်လောက်နဲ့ပျောက်သွားပေမယ့် သင်္ချိုင်းထဲ ၀င်ရတာ ၀ါသနာပါလို့ဆိုပြီး ကျုပ်ကိုသူငယ်ချင်းတွေက နာမည်တခု ပေးလိုက်တာ ကျုပ်လူပျိုပေါက် ရောက်တဲ့အထိ အဲဒီနာမည်သွားတော့တယ်။ အဲဒီနာမည်က “သင်္ချိုင်း” တဲ့လေ..။

ကျုပ်ကို မြင်ရင် သင်္ချိုင်းလို့ပဲ ခေါ်ကြတော့တယ်။ သူငယ်ချင်းတွေကို ခင်တတ်တဲ့ကျုပ်လည်း ခေါ်ချင်ရာခေါ် ဆိုပြီးလွှတ်ထား လိုက်တာ ကြားပါများတော့ နားထဲမှာပါ ချောနေတော့တယ်..။ အဲဒီနာမည်ရပြီး ကျုပ်ပြန်ဆုံးရှုံး သွားတာတခုရှိတယ်။ အဲဒါက ကောင်မလေးတွေမြင်ရင် အရင်လို ပြီတီတီ မလုပ်ရဲတော့ဘူး။ ကျုပ်ကသူတို့ကို သွားစရင် သူတို့က ပေးထားတဲ့ နာမည်ထပ် နောက်တလုံးပိုပြီး သင်္ချိုင်းကုန်း ဆိုပြီး အော်ကြတော့တာကိုးဗျ...။

။......................................။

(ညောင်ရမ်းရဲ့ ငယ်ဘ၀လေးပါ)