ဘလော့ဂ်ဂါ ပွဲဈေးတန်း

ပွဲဈေးတန်းတခုလုံး မီးရောင်စုံတို့ဖြင့် လှုပ်ရှားသက်ဝင်နေသည် ။ ပျားပန်းခတ်မျှ တိုးဝှေ့သွားလာ နေကြသော ပွဲဈေးလျှောက်သူများကြောင့် အုံးအုံးကျက်ကျက်ဖြင့် အသံတို့ ဆူညံနေသည်။ ဈေးသည်တချို့၏ ဈေးခေါ်သံ အကြော်အလှော် ဆိုင်ဘက်မှ ဒယ်အိုးခေါက်သံတို့ဖြင့် ပွဲဈေးတန်းတခုလုံး ဆူညံလှုပ်ရှားနေ၏။ တချို့ကတော့ ဘလော့ဂါ အငြိမ့်ကြည့်ရန် ဇာတ်ရုံဘက်ကို ဦးတည်ပြီး သွားနေကြသည်။ ဒီပွဲဈေးတန်းတခုလုံး၏ ထူးခြားချက်ကတော့ အငြိမ့်ကို ဘလော့ဂါများ ဦးဆောင်ပြီး ကသလို ပွဲဈေးတန်းတွင် ရှိသမျှ ဈေးဆိုင်များ အားလုံးကို ဘလော့ဂါ များက ဖွင့်ထားခြင်းဖြစ်သည်။

စနစ်တကျ တည်ဆောက်ထားသော ဈေးဆိုင်များတွင် ဘလော့ဂါများ ကိုယ်တိုင် ဆိုင်ထိုင်ပြီး မိမိဆိုင်၏ ရောင်းအား တက်လာစေရန် ကံစမ်းမဲအစီအစဉ်များ ထူးထူးခြားခြား အစဉ်အစီများဖြင့် ပရိတ်သတ်ကို အပြိုင်အဆိုင် ဆွဲဆောင်နေကြသည်။ တချို့က ဈေးဆိုင်တည်ပြီး ရောင်းကြသလို တချို့ကလည်း လူစိတ်ဝင်စားအောင် ထူးထူးခြားခြား လုပ်ပြကြသည်။

ကိုကိုမောင်က ပန်းရနံ့အမည်ဖြင့် အမှတ်တရ ပန်းစည်းအရောင်းဆိုင် ဖွင့်ထားသည်။ မျက်မှန်လေးက လှရွှေနှင့်ညီများ မျက်မှန်ဆိုင်မှ ကိုယ်စားလှယ်ယူကာ မျက်မှန်ဆိုင် ဖွင့်ထားသည်။ ယွန်းက ပုဂံမှ ယွန်းထည်ပစ္စည်းများ မှာယူပြီး မြန်မာ့ယွန်းထည် အမည်နှင့် ယွန်းထည်ဆိုင်ဖွင့်သည်။

*****

Winnie Pooh က သူနှစ်သက်သော ၀င်းနီပူး အရုပ်များကို ဆိုင်ဖွင့်ရောင်းချသည်။ သူအနေနှင့် မရောင်းရ၍ အရုပ်များ မကုန်မှာကိုတော့ စိတ်ပူပန်ခြင်းမရှိပေ...။ အဘယ်ကြောင့်ဆိုသော် မကုန်သည့် အရုပ်များကို သူအပိုင် သိမ်းထားနိင်သောကြောင့် ဖြစ်သည်။ ဒီဆိုင်ဖွင့်သည့် အရင်းအနှီးကို မိဘများက ထုတ်ပေးထားသဖြင့် တကယ်ကို စိတ်ပူပန်ခြင်း မဖြစ်ပေ။

*****

 
ရှေ့ခပ်လှမ်းလှမ်းတွင်တော့ ရန်ကုန်သား၏ဘူးသီးကြော် ဆိုင်ရှိပြီး အကြော်ဆိုင်ဘေးတွင်တော့ ဧရာတီသား၏ မုန့်ဟင်းခါး ဆိုင်ရှိသည်။ မခင်ဦးမေကတော့ အကြော်ပိုကြိုက်ပေမယ့် ဧရာဝတီသား၏ မုန့်ဟင်းခါးဆိုင်တွင်သာ အားပေးသည်။ “ရန်ကုန်အကြောင်းက ရေးပြီးတာ မကြာသေးဘူး ဒီတခါ ဧရာဝတီ အကြောင်းရေးမယ်” ဟု မုန့်ဟင်းခါးစားရင်း တွေးနေသည်။
 

*****

 ဆိုင်ဖွင့်လျှင် အလုပ်ရှုပ်သည်၊ ကိုယ်သွားချင်ရာလည်း သွားလို့ရအောင် ဆိုပြီး အရုပ်ကလေးက ပူဖောင်း အရုပ်များ မိုးပျံပူဖောင်းများကို အထမ်းဖြင့်လိုက်ရောင်းသည်။ ခက်တာက ပွဲဈေးလျှောက်သူအများစုက လူကြီးတွေဖြစ်နေသဖြင့် အရုပ်လေးခမျာ မှန်းချက်နဲ့ နှမ်းထွက်မကိုက်ဘူးထင်နေချိန် ဘလော့ဂါဒေး ဖွင့်ပွဲအတွက် မိုးပျံပူဖောင်းများ အော်ဒါရလိုက် သဖြင့် အရုပ်ကလေးအတွက် အသက်ရှုချောင်သွားသည်။

*****

ဈေးရောင်းတဲ့ အတွေ့အကြံမရှိလို့ ဒုက္ခရောက်သူများထဲတွင် သားကြီး လည်းအပါအ၀င်ဖြစ်သည်။ ဆိုင်ကြီး ကန္နားကြီးနှင့်ဆို အလုပ်ရှုပ်သည်။ သူများစားပြီးသား ပန်းကန်တွေပါ ဆေးရသည် ဆိုသည့် အကြောင်းပြချက်နှင့် သားကြီးက ၀က်သားထုတ်ထိုးရောင်းသည်။ မြန်မာစာကို ကပ်ကပ်သပ်သပ် တွေးလေ့ရှိသည့် အကျင့်ကြောင့် သူ့ဆိုင်ဘုတ်က သူများထက်ပို ကြီးနေသည်။

သူ့ဆိုင်းဘုတ်မှာ ရေးထားတာက “၀က်သားတုတ်ထိုး (၀က်သားကိုတုတ်ထိုး၍ ၀က်သား တုတ်ထိုးဟုခေါ်သည်။)” ဆိုပြီးရေးသားထားပေမယ့် သူ့ဆိုင်ဘုတ်ကို လူတွေက သိပ်မကြည့်ကြပေ.။ နာမည်ကြီးတယောက်၏ဆိုင် ဖြစ်သည့်အတွက်  စားသုံးသူ အများစုက မိန်းခလေးများဖြစ်ကြသည်။ မိန်းခလေးများမှာ အတင်းပြောသည့်နေရာတွင် ၀က်သားတုတ်ထိုးဆိုင်ပါ မရှောင် ပြောတတ်သဖြင့် သားကြီးခများ ဒုက္ခရောက်တော့သည်။

သူကြားနေရသည့် အတင်း စကားတွေကို သူ့ဘာသာ ကပ်တီးကပ်သပ် လျှောက်စဉ်းစားနေသဖြင့် စားပြီးသော တုတ်တွေကို အောက်ပစ်ချနေသည်ကို သူသတိမထားမိပေ။ ဈေးဗန်းထဲမှ ၀က်သားများသာ လျော့သွားပြီး ငွေကဘာကြောင့် မတိုးသလဲဟု သတိထားမိချိန်တွင် အရင်းပြုတ်လုနီးနီးဖြစ်နေသည်။ အရင်းပြုတ်ပြီဆိုမှတော့ အဖျားပါပျောက်သွားသေးလား မမေးနဲ့လို့ သူ့ဘာသာ ခေါင်းကုတ်ရင်း တွေးနေတော့သည်။

*****

သားကြီး၏တုတ်ထိုး အခြေအနေမကောင်းပေမယ့် အမမိုးကောင်းသူ ၊အမဂျာမုန်းဒန်းနှင့်၊ မြူးသျှရီတို့၏ “ထမင်းအိုးသုံးလုံးအ၀စားထမင်းဆိုင်”ကတော့ အခြေအနေ ကောင်းနေသည်။ အရင်တုန်းကတောင် အလကား ကျွေးနေရသေးတာပဲ အခုဈေး သက်သက်သာသာနှင့် ရောင်းမည်ဆိုသည့် အတွေးကြောင့် စားသုံးသူတွေ ကြိတ်ကြိတ်တိုးနေခြင်း ဖြစ်သည်။ ဈေးသက်သာသဖြင့် တချို့က ဟင်းတွေကို တပါတ်စာ ၀ယ်သွားပြီးရေခဲသေတ္တာထဲတွင် ထည့်ထားကြသည်။ တချို့က နီးရာလူကိုပါ လက်တို့ပြီး သွားဝယ်ရန် သတင်းပေးကြသည်။ မီးဖိုထဲကမထွက်ရတော့သည့် အတွက် အိုးသူကြီး သုံးယောက် ဒေါသတွေ ထွက်စပြုလာသည်။

ဒီကြားထဲ ပွဲဈေးလည်သည့်သူတွေက လှတပတလေးတွေဖြစ်ပြီး သူတို့ခမျာ အိုးမဲတွေ မီးခိုးမှိုင်းတွေဖြင့် ညစ်ပေနေကြ၍ ပိုပြီးဒေါသတွေ ထွက်နေကြတော့သည်။ နောက်ဆုံးတော့ ဆိုင်ထဲမှာရော ဆိုင်ပြင်မှာပါ “ဆန္ဒကို သိက္ခာဖြင့်ထိန်းပါ” ဆိုသည့် စာတန်းများကို နေရာအနှံ့ကပ်လိုက်တော့မှ စားသုံးသူတွေ ကိုယ်ရှိန် သတ်ကုန်ကြသည်။

*****

ဘလော့ဂါ ပွဲခင်းလုပ်မယ်ဆိုထဲက အကြံကြီးကြံထားတဲ့ မငုံကတော့ သူစုထားသည့် ကန္တာရမှ မိုးရေများ ဆိုပြီးရေပုလင်းများ ဆိုင်ပေါ်တင်ရောင်းသည်။ ထူးထူးဆန်းဆန်းဝယ်စုသူ တချို့ခန့်သာ ၀ယ်ကြသည့်အတွက် သူ့ခမျာ လေယာဉ်စရိတ်မှ ပြန်ရပါ့မလား တွေးပူနေရသည်။

ကံကောင်းချင်တော့ အိုက်ခီလောက်က မငုံရဲ့ဆိုင်ဘေးမှာ အရက်ဆိုင်လာဖွင့်သည်။ အိုက်ခီလောက်၏  ဆိုင်ရှေ့ကဆိုင်းဘုတ်ပေါ်တွင်တော့.... “ယမကာလုလင်ရဲ့ဗျစ်ရွှေရည်ဆိုင် ကန္တာရမိုးရေနှင့် တွဲသောက်လျင် အမြည်းတောင် မလိုပါ” ဟုရေးသားထားသဖြင့် အမြည်းဖိုးမတတ်နိင်သူတွေ အားပေးကြသဖြင့် မငုံ၏ကန္တာရမှ မိုးရေပုလင်းများ တော်တော်များများ ရောင်းရတော့သည်။

 

*****

ပွဲဈေးတန်း၏ အလယ်နေရာတွင် အညာသားလေး သော်ဇင်၏  အညာထွက်ကုန် ဆိုင်ရှိသည်။ ဆေးရွက်ကြီး ထန်းညက်အပြင် အမျိုးသမီးများ အထူးနှစ်သက်သည့် သနပ်ခါးတုံးများပါ ရောင်းချသဖြင့် သူ့ဆိုင်က အထိုက်အလျောက်အောင်မြင်နေသည်။ သူ့ဆိုင်၏ အဓိက ၀င်ငွေကောင်းသော လုပ်ငန်းမှာ အိုက်ခီလောက်ဆိုင်သို့ အနောက်ပေါက်မှတင်ပို့ပေးနေသော ရေခဲစိမ်ထန်းရည်များဖြစ်သည်ကိုတော့ မည်သူမှ မသိကြပေ။

*****

 
သံယောဇဉ်အားလုံးကို အဖြူရောင်ဖြစ်စေချင်တဲ့ အဖြူလေးက ကြာဇံသုပ် ရောင်းသည်။ အဖြူကွက်နင်းနေကြဖြစ်သည့်အတိုင်း ဈေးရောင်းရာမှာလည်း ကြာဇံတွေကို သံယောဇဉ်ဟု သူ့ဘာသာတင်စားထားသည်။ သူ့ရဲ့ သံယောဇဉ်တွေကို အရောင်စွန်းထင်း မခံစေချင်တဲ့အတွက် အသုပ်သုပ်ရာတွင် ငြုပ်ဆီမထည့်ဘဲ သုပ်သဖြင့် စားသုံးသူအချို့ မကျေမနပ် ဖြစ်ကြသေးသည်။

*****

ကိုယုယ နှင့် ဖြိုးမော်တို့အတွက် ဒီပွဲတော်က သူတို့ရဲ့ လက်စွမ်းလက်စပြရမယ့် ပွဲတော်ဟု အပိုင်တွက်ထားကြသည်။ ၀ါသနာပါသည့် လုပ်ငန်းဖြစ်ပြီး ငွေလည်းရမည့်အပြင် ကောင်မလေးများကလည်း သူတို့ကို ပြုံးပြရမှာပဲ ဆိုသည့် အတွေးဖြင့် ပွဲတော် မစခင်ထဲက တက်ကြွနေသည်။ မိန်းခလေး ဆိုသည်မှာ အလှအပကြိုက်သလို သူတို့လှကြောင်းကိုလည်း သက်သေနှင့်တကွ ရှိစေချင်ကြသဖြင့် “သူငယ်ချင်းများ” ဓါတ်ပုံဆိုင်မှာ တဖျတ်ဖျတ်ဖြင့် လက်မလည်အောင် ရိုက်ပေးနေကြရသည်။

ဒီကြားထဲ မိန်းမလျှာ သုံးယောက်က ဓါတ်ပုံဆရာ ဖြိုးမော်နှင့် တယောက်တလှည့် တွဲရိုက်ကြသဖြင့် ထင်ထားသည်ထက် အောင်မြင်သွားတော့သည်။ ကိုယုယနှင့်ပါတွဲရိုက်ချင်ကြပေမယ့် ကိုယုယ၏ မဟေသီက လက်မောင်းကို မလွှတ်တမ်း ကိုင်ဆွဲထားသဖြင့် မိန်းမလျှာများ စိတ်လျော့သွားရတော့သည်။

 

*****

ဘလော့ဂါပွဲခင်းအတွက် ဆိုင်နေရာများ ချပေးသောနေ့တွင် ဘလော့ဂါတချို့ပြဿနာ တက်ကြသေးသည်။
ဖြစ်ပုံက ဆိုင်နံပါတ် ၁ ကို အပြိုင်အဆိုင် လုကြသဖြင့် ပြဿနာ တက်ကြခြင်းဖြစ်သည်။ ပွဲစီစဉ်သူလူကြီး များလည်း မည်သူ့ကို နံပါတ် ၁ ပေးရမှန်း မသိတော့သဖြင့် အခက်တွေ့ကြတော့သည်။ နောက်ဆုံးတွင် ဘလော့ဂါထဲက မဟုတ်ဘဲ ဘလော့တကာကိုသုနြေ္ဒကို ဆိုင်နံပါတ် ၁ ကိုပေးလိုက်မှသာ ပြသာနာ အေးသွား တော့သည်။ ဒါတောင် ဂေါပကလူကြီးတွေနှင့် ကိုသုနြေ္ဒ ခင်လို့ဒီနေရာ ရတာပါဆိုပြီး တိုးတိုးတိတ်တိတ် အသံထွက် လာသေးသည်။

ကိုသုနြေ္ဒလည်း ဈေးဆိုင်ထွက်လျှင် တမျိုးထင်ကြမှာ စိုးသဖြင့် စက်ဘီး ဆိုင်ကယ် ရပ်နားစခန်း ဖွင့်လိုက်ရတော့သည်။

*****

ပွဲဈေးမှာ မရှိမဖြစ်လိုတာကလုံခြုံရေးဖြစ်သည်။ ပွဲတော်ကို ဆူပူရမ်းကားမည့်သူများ နှောင့်ယှက်မည့် သူများကို ကြိုတင် ကာကွယ်မှ ပြဿနာ ပိုမကြီးထွားလာမည်ဖြစ်သည်။ တာဝန်ဆိုသော လက်ပါတ်ကိုယ်စီဖြင့် လတ်လတ်ဇော် ၊ ဂျစ်တူးလေးနှင့် ဂျူနီယာလွင်ဦး တို့ပွဲခင်းထဲတွင် ကင်းလှည့်နေကြသည်။

တာဝန်ခွဲဝေရေးကော်မတီ လူကြီးများက ပွဲတော်လုံခြုံရေးအတွက်ရွေးချယ်ရာမှာ ဂျူနီယာလွင်ဦးကို နာမည်ကြည့်ပြီး ယောကျာင်္းလေးထင်ကာ ရွေးသလို လတ်လတ်ဇော်က ကျားကျားယားယားရှိသည့်အပြင် ဂျစ်တူးလေးကလည်း သူ့ဘလော့တွင် ၀ါးရင်းတုတ် ကိုင်ထားသော ပုံတင်ထားသဖြင့် လူကြီးတွေက ဒီသုံးယောက်ကိုတာဝန်ပေးလျှင် ပွဲတော်၏ လုံခြုံရေး စိတ်ချရမည်ထင်ပြီး တာဝန်ပေးထားခြင်းဖြစ်သည်။

ပွဲခင်းထဲကို ပါတ်နေရပေမယ့် ပြဿနာရှာမည့်သူ မတွေ့ရသဖြင့် လုံခြုံရေးတွေ စိတ်ပျက်စပြုလာသည်။ ညဦးပိုင်းက ပြဿနာသေးသေးတခု ရှင်းပေးခဲ့ရတာက လွဲလျှင်အခုထိ အခြေအနေတွေ အကုန်လုံး ငြိမ်သက်နေသည်။ ညဦးပိုင်းက ပြဿနာ ဆိုတာကလည်း မမီးမီးချစ်၏ ဆိုင်တွင်ဖြစ်သွားခြင်း ဖြစ်သည်။

ဘလော့ဂါ ပွဲခင်းတွင် မမီးမီးချစ်က သူဝါသနာပါသည့် အမျိုးသမီး လက်ကိုင်အိတ်ဆိုင် ဖွင့်ထားပြီး တရုတ်ဘက်ကလာသော အိတ်များကို ဈေးချိုချိုဖြင့် ရောင်းပေးခြင်းဖြစ်သည်။ ပြဿနာဖြစ်ပုံက သူဆိုင် အတွင်းဘက်တွင် ကိုကိုချစ်ဝယ်ပေးထားသော GUESS နှင့် LV တံဆိပ် အိတ်များကို ချိတ်ထားခြင်းကြောင့်ဖြစ်သည်။ ထိုအိတ်များကိုတော့ အလှသက်သက်ချိတ်ထားခြင်းဖြစ်သည်။ ဈေးဝယ်သူ အဖွားကြီးတယောက်မှ ထိုအိတ်များကို ဈေးအတူတူထင်ပြီး ဈေးမေးရာမှ ပြဿနာ အနည်းငယ်ဖြစ်သွားခြင်းဖြစ်သည်။ လုံခြုံရေးများ ၀င်ရောက်ရှင်းပြပေး လိုက်သဖြင့် အဖွားကြီးလည်း စိတ်ကျေနပ်ကာ တရုတ်အိတ်တလုံးပဲ ၀ယ်သွားတော့သည်။

ထိုပြဿနာမှ လွဲလျှင်အားလုံးအေးဆေးနေသဖြင့် တာဝန်ကျသုံးယောက် အိုက်ခီလောက်၏ အရက်ဆိုင်ကို ခဏခဏ သွားချောင်းကြသည်။ အိုက်ခီလောက်ခမျာ အရက်အေးအေးဆေးဆေး မသောက်ရတော့ဘဲ လုံခြုံရေးတွေ လာလျင် သူ့ဆိုင်က ဖောက်သည်တွေကို ဆူဆူညံညံမလုပ်ကြဘို့ တောင်းပန်နေရတော့သည်။

*****

ပြဿနာမရှိ၍ ပျင်းနေသည့် လုံခြုံရေးများမှာ ဘလော့ဂါလက်ဝှေ့စင် ဘက်တွင် ဆူဆူညံညံ အသံကြားသဖြင့် အပြေးအလွှား သွားကြည့်ကြသည်။ ထိုဘလော့ဂါ လက်ဝှေ့စင် ကိုဒီပွဲတော်မှာ ထည့်သင့် မထည့်သင့်ကို လူကြီးတွေ အချိန်တော်တော်ယူကာ ညှိနှိုင်းခဲ့ကြရသည်။ လက်ဝှေ့စင်ထည့်ထားသည့် အတွက် ဘလော့လောကကြီးမှာ အကွဲအပြဲတွေ ဖြစ်လာမှာ စိုးစိတ်ကြောင့် တချို့တွေက လက်ဝှေ့စင် မထည့်စေချင်ကြခြင်းဖြစ်သည်။ လက်ဝှေ့စင်ထည့်သင့်ကြောင်း အဆိုပြုတဲ့သူတွေ၏ အမြင်ကလည်း မှတ်သားဖွယ် ကောင်းသည်။

ကိုယ့်မှာကလောင်တချောင်းရှိတယ် ငါတင်ရင်ဖတ်မှာဘဲ ဆိုသည့်အတွေးနှင့် ဘလော့ပေါ်မှာ ဟိုရမ်းဒီရမ်း ရေးတတ်သူတွေအတွက်ပွင့်ပွင့်လင်းလင်း စိန်ခေါ်ပြီးထိုးသတ်လိုက်တာ ပြဿနာ မြန်မြန်အေးတာပေါ့ဟု အဆိုတင်သွင်းကြသည်။ ဒါတောင် သေသေချာချာစဉ်းစား ညှိနှိုင်းကြသေးသည်။ နောက်ဆုံးအဆိုပြုတဲ့ဘက်က “ခင်များတို့စိတ်ချစမ်းပါဗျာ ဒီလက်ဝှေ့ပွဲ မဖြစ်ပါဘူး ဘယ်သူကမှ ပြိုင်မမိုက်ကြပါဘူး ရမ်းချင်တဲ့သူအတွက် လက်ဝှေ့စင်ရှိတယ် ဆိုတာသိအောင်ထည့်တဲ့ သဘောပါ” ဆိုပြီးနောက်ဆုံးစကားပြောလိုက်မှပဲ ဒီအစီအစဉ် ဖြစ်ပေါ်လာခြင်းဖြစ်သည်။

ခန့်မှန်းထားသလို မည်သည့်ပွဲမှ မဖြစ်ဘဲ လက်ဝှေ့စင်ပေါ်မှာ ဘလော့ဂါတယောက်ထဲ ဟန်းရေးပြနေရသည်။ စင်အောက်ကဗိန်းဗောင်းတီးရသူတွေလည်း ကြာတော့ငြီးငွေ့လာသည်။ “ဟိုက်ရော..ဟိုက်ရော..”ဟု အော်ပေးရတဲ့ သူတောင် ပျင်းပြီးအိပ်ပျော်သွားတာကြာနေပြီ။ ထိုအချိန်မှာ မမျှော်လင့်ပဲ လက်ဝှေ့စင်ပေါ် လူတယောက် တက်သွားသည်။ ပွဲကြီးပွဲကောင်းကြည့်ရတော့မည်ထင်ပြီး စောင့်ကြည့်နေကြသူများ လှုပ်လှုပ်ရှားရှားဖြစ်ကုန်သည်။ ဒိုင်လူကြီးက စင်ပေါ်တက်လာသူ၏ နာမည်နှင့် ဘလော့ဂ်နာမည် မေးသည်။

စင်ပေါ်တက်လာသူက “ကျုပ်ကဘာဘလော့ဂါမှ မဟုတ်ဘူး ကျုပ်နာမည် ညောင်ရမ်း ငယ်ငယ်ကလက်ဝှေ့ပွဲ မထိုးလိုက်ရလို့အခုကြုံတုန်းတက်ထိုးတာ” ဟုပြန်ဖြေသည်။ ဟန်ရေးပြနေသူမှ ဘလော့ဂါမဟုတ်ရင် မပါတ်သတ်ချင် မထိုးချင်ဟု အကြောင်းပြန်သဖြင့် ဒီတခါလည်း ညောင်းရမ်းခမျာ လက်ဝှေ့ စင်ပေါ်အထိရောက်ပြီးမှ ပြန်ဆင်းခဲ့ရပြန်သည်။ (ညောင်ရမ်းရဲ့လက်ဝှေ့ပွဲအကြောင်းကို သတ္တိရှိလား အမည်နဲ့ရေးခဲ့ဖူးပါသည်)

မကျေမချမ်းဖြစ်နေသည့် ညောင်ရမ်းကို လုံခြုံရေးများမှ အကျိုးအကြောင်းဖြောင်းဖျပြီး လက်ဝှေ့စင်အနီးမှ ခေါ်ထုတ်သွားရသည်။ ဟန်ရေးပြနေသူကလည်း ဆက်ပြီး ဟန်ရေးပြနေပေမယ့် ပွဲတော်ပြီးဆုံးသည်အထိ မည်သည့်ပွဲမှ မဖြစ်လာခဲ့ပေ။

 
*****

လက်ဝှေ့စင်လို ဆူဆူပူပူ နေရာများရှိသကဲ့သို့ ပွဲဈေးလျှောက်ပရိတ်သတ်များအတွက် အေးချမ်းသည့် နေရာများလည်း ရှိနေသည်။ ကိုမိုးစက်က စိတ်စမ်းရေ အမည်နှင့် သောက်ရေအိုးများထားပေးပြီး ရေအလှူ လုပ်သည်။ ကိုမိုးစက်ဆိုင်မှာတော့ ကိုမိုးကုတ်သား တို့လို အသက်၃၀ ကျော်လူပျိုကြီးများ စခန်းချကြသည်။ လူပျိုကြီးများစုမိသဖြင့် မည်သူကမှ မိန်းခလေးအကြောင်း စမပြောကြပေ။ အေးအေးဆေးဆေးနေချင်၍ လူပျိုကြီးလုပ်နေတာဟု ကြွေးကြော်ထားကြသဖြင့် မည်သူကမှ မိန်းခလေးအကြောင်း စမပြောရဲကြခြင်းဖြစ်သည်။ ဆိုင်ရှေ့ကဖြတ်သွားသော မိန်းခလေးများကို ကြည့်မိမှာ စိုးသဖြင့် ဆိုင်ရှေ့ကိုပါ ကျောပေးထိုင်ထားကြသည်။

သတိထားကြည့်မိလျင်တော့ ဆိုင်၏ အတွင်းနံရံတွင် ချိတ်ထားသော ကိုယ်လုံးပေါ်မှန်များကို မကြာခဏကြည့်နေသော လူပျိုကြီးများကို မြင်ကြရမည်ဖြစ်သည်။ အငြိမ့်သီချင်းတပုဒ် ဖြစ်သည့် 'ပွဲဈေးတန်းလျှောက်လို့လည် မောင်ကြီးနဲ့ဆုံသလေတော့' ဆိုတဲ့သီချင်းထဲက အတိုင်း ဖြစ်လာခဲ့လျှင် ဆိုသည့် အတွေး များလည်း ကိုယ်စီရင်ထဲမှာ ရှိနေကြလေသည်။
 

*****

ပွဲခင်းတနေရာတွင်တော့ ဧရာဝတီစာကြည့်တိုက် ဖွင့်ပေးထားသည်။ သုတ ရသ စာအုပ်များဖတ်နိင်သလို စာကြည့်တိုက်ထဲတွင်ဆွေးနွေးပွဲများလည်း ပြုလုပ်ခွင့်ပေးထားသဖြင့် ၀သန်မိုး ၊ နွေဦးမိုး ၊ မိုးစက်အိမ်၊  မိုးအိမ့်ဖြူ ၊ နဒီမိုးညို အစရှိသော မိုးအုပ်စုနှင့် ကြယ်ဖြူစင် ၊ ဖြူစင်ကြယ် ၊လင်းကြယ်ဖြူ ၊ ကြယ်ကလေး အစရှိသည့် ကြယ်အုပ်စု တို့၏ မိုးနှင့်ကြယ် ဆွေးနွေးပွဲရှိနေသည်။ နေမင်းသံစဉ်နှင့်နွေးနေခြည် တို့အပြင် ပျော်ရွှင်ခြင်းမိုးတိမ်(HAPPY CLOUD)အဖွဲ့က မိုးမောင်နှင့် ဖိုးမောင် ပါထပ်ရောက်လာပြီးသည့်အခါမှာတော့ သဘာဝပါတ်ဝန်းကျင် ထိန်းသိန်းရေး အကြောင်း ဆွေးနွေးဖို့ လူစုံတက်စုံ ဖြစ်သွားတော့သည်။

ဆွေးနွေးပွဲ အရှိန်ကောင်းနေချိန်မှာ မမချစ်ရ နှင့် မ အနမ်း ရောက်လာပြီး မချစ်ဘဲ နမ်းသင့်သလား ဆိုသည့် လူငယ်များစိတ်ဝင်စားကြသော အချစ်နှင့် အနမ်း ခေါင်းစဉ်ဖြင့် ဆွေးနွေးကြသည်။ ထိုအခါမှ သဘာဝ ပါတ်ဝန်းကျင် ထိန်းသိန်းရေးအကြောင်း ဆွေးနွေးစဉ်က ငိုက်မြည်း နေသော သူများလည်း တက်တက်ကြွကြွ ၀င်ရောက် ဆွေးနွေးကြတော့သည်။

*****

ဒေါက်တာဝင်းသိန်း ၊ မကီကီ ၊ကိုနေလင်း တို့ကကျန်းမာရေးဆေးပေးခန်းဖွင့်ပေးထားသည်။ ဒါကလည်း ပွဲတော်ဖြစ်မြောက်ရေး ကော်မတီက တာဝန်ပေးထားသောကြောင့်ဖြစ်သည်။ သူ့အတွက် ဘလော့လည်ပါတ် ဖို့အချိန်ပိုရသည်ဟု မှတ်ယူထားလိုက်သဖြင်လူနာသိပ်မလာသော်လည်း မကီကတော့ ကျေနပ်နေသည်။
 

*****

 
သက်ပိုင်သူကတော့ ဂျပန်မှ ငှားထားသည့် အကမယ်ဂေရှားများဖြင့် ကော်ဖီနှင့် ရေနွေးကြမ်း ဆိုင်ဖွင့်သည်။ အေးအေးဆေးဆေး ကော်ဖီသောက်ပြီး စကားထိုင်ပြောချင်သူများဖြင့် သက်ပိုင်သူ၏ ဆိုင်လည်း အောင်မြင်နေသည်။ ကပွဲများရှိသဖြင့် အဓိပ္ပါယ်ကောက်လွဲနိင်သဖြင့် ဆိုင်ရှေ့တွင် ဂေရှားများ အကြောင်းကို အကျဉ်းချုပ်ပြီး ဖော်ပြထားရသည်။(ဤနေရာတွင်ဖတ်ရှုနိင်သည်။)

 

*****

ရမ်းဂန်း ၏ ဗေဒင်လက္ခဏာ ဟောခန်းတွင် မေးသူများ ကြိတ်ကြိတ်တိုးနေသည်။ လာမေးသူ အများစုမှာ မိန်းခလေးများဖြစ်ကြသည်။ မေးသည့်မေးခွန်းတွေအတွက် ဟောချက်တွေကလည်း ဒက်ထိ မှန်နေသဖြင့် တဆင့် စကားတဆင့်နားဖြင့် မေးချင်သူတွေတန်းစီနေကြသည်။ လူများလွန်းသဖြင့် လူတစ်ဦးလျှင် မေးခွန်း သုံးခုသာ မေးခွင့်ပြုထားသည်။ မေးခွန်းတိုင်းအတွက် အဖြေကလည်း ပြတ်ပြတ်သားသားနှင့် မှန်ကန်လွန်းသည်။ မမြင်နိင်သောနှောင်ကြိုးလေးများဘလော့ဂ်ပိုင်ရှင် စန္ဒီမိုးမြင့်က ဒီနှစ်စာမေးပွဲ ကျနိင်သလားမေးသည့်အခါ မဖြေရင်ကျမည် ဆိုပြီး ပြတ်ပြတ်သားသား ပြန်ဖြေသည်။ စန္ဒီမိုးမြင့်လည်း မေ့သွားမှာစိုးသဖြင့် စာအုပ်နှင့် လိုက်မှတ်နေတော့သည်။

ဘာပဲဖြစ်ဖြစ် အပျော်သဘောနှင့် မေးမည်ဆိုပြီး မမေဇင်က မေးခွန်းတခု ၀င်မေးသည်။ မေးခွန်းက သူ့ရဲ့ နောက်တင်မည့် ပို့စ်တွင် ကွန်မန့် ဘယ်နှစ်ခု ရနိင်သလဲ ဖြစ်သည်။ ဒါတော့ဒီဗေဒင်ဆရာ မဖြေနိင်ပါဘူးဆိုပြီး မမေဇင်က ကြိတ်ပျော်နေသည်။ ရမ်းဂန်းလည်း မျက်လုံးမှိတ်ကာ အာရုံခံပြီး တခွန်းထဲသော အဖြေကို ပြတ်ပြတ်သားသား ပြောလိုက်သည်။ “ကျွန်တော် ကွန်မန့်လာပေးရင် အရင်ထက် တခုပိုစေရမယ်” ဟုပြန်ဖြေသဖြင့် မမေဇင်လည်း ပညာမစမ်းရဲတော့ပေ။

*****

ဈေးတန်းတစ်နေရာတွင်တော့ ထူးထူးဆန်းဆန်း၊ ကြောင်ကြောင်ကြားကြား အ၀တ်အစားများ ၀တ်ထားသော လူတယောက်က လက်ကိုင်အော်လံဖြင့် လူခေါ်နေသည်။ ထိုသူ၏ အနောက်မှာတော့ အသေးစား ဇာတ်ရုံလေးတရုံ ရှိနေသည်။ ထိုသူက“ဒီကိုလာ..ဒီကိုလာဗျို့....ထူးထူးဆန်းဆန်းကြည့်ချင်ရင် ဒီကိုလာဗျို့” ဟုလူခေါ်နေသည်။ ထူးထူးဆန်းဆန်းဆိုသည့်အပြင် ၀င်ကြေးလည်း သက်သာသဖြင့် လူတချို့ဇာတ်ရုံလေးထဲ ၀င် သွားကြသည်။ ကလေးတွေပူဆာသဖြင့် ကိုဆောင်းယွန်းလတို့လို မ၀ါတို့လို မိဘတွေလည်း အတော်ပဲ ဆိုပြီးဝင် ကြည့်ကြသည်။

သိပ်မကြာခင်မှာပဲ ဒါသက်သက်လူလည်ကျတာဆိုပြီး မကျေမချမ်းနှင့်ရေရွတ်ကာ လူအုပ်ကြီးပြန်ထွက်လာသည်။ ထူးထူးဆန်းဆန်း မြင်ရမည်ထင်၍ ၀င်ကြည့်သူများခမျာ အထဲရောက်တော့မှ ခုံတလုံးပေါ်တွင် အေးအေးဆေးဆေး ထိုင်နေသောဘလော့ဂါ ဒီကိုလာ ကိုမြင်ရမှ သူတို့ခမျာ လူလည်ကျခံလိုက်ရမှန်း သိသွားတော့သည်။ လူခေါ်သည့်သူကလည်း အရင်အတိုင်းပဲ ဆက်ပြီးလူခေါ်နေတော့သည်။

“ဒီကိုလာ..ဒီကိုလာဗျို့....ထူးထူးဆန်းဆန်းကြည့်ချင်ရင် ဒီကိုလာဗျို့” ဟုဆက်ခေါ်နေသေးသည်။

*****

သရဲအကြောင်းရေးလေ့ရှိသည့် ၀က်ဝံလေးက သရဲအိမ်ကို ၀င်ကြေးဖြင့် ဖွင့်ပေးထားသည်။ သရဲအိမ်ထဲတွင်သရဲများအဖြစ် သရုပ်ဆောင်ရန် ပါးလုံး ၊ အနော် နှင့် စည်သူတို့ကို အကူအညီ တောင်းထားသည့်အပြင် ၀က်ဝံလေးကိုယ်တိုင်ပါ ၀င်သရုပ်ဆောင်ပေးသည်။ သူတို့အဖွဲ့ကို သရဲလေးကောင်ဟု သူတို့ဘာသာ အမည်ပေးထားသည်။ မီးရောင်မှိန်မှိန်ထွန်းထားသော အိမ်ထဲတွင် ၀င်ကြည့်သော ပရိတ်သတ်များကို သရဲဝတ်စုံများဝတ်ပြီး ခြောက်ပေးရသည်။ ၀က်ဝံလေးက အင်္ကျီပေါ်တွင် အရိုးခြောက်ပုံသဏ္ဍာန် ဆေးအဖြူချယ်ကာ ခြေလှုပ်လက်လှုပ် လုပ်ပြသည်။ ပါးလုံးက အစွယ်အတုကြီးတပ်ကာ လက်နှိပ်ဓါတ်မီးရောင်ကို မျက်နာထိုးထားပြီး လိုက်ခြောက်သည်။ အနော်ကတော့ ၀တ်ရုံအမဲကြီးကိုခြုံ၊ လက်တဘက်မှဓါးပြားကြီးနှင့် ညာလက်တွင်ပုဆိန်တလက် ကိုင်ဆောင်ကာ ခုတ်မလို ထိုးမလို လုပ်ပြသည်။

စည်သူကတော့ သနပ်ခါးထူထူလိမ်း ဆံပင်တုတပ်ပြီး ဖားလျားကြီးချကာ ထမီရင်လျားဝတ်ပြီး လက်ယက်ခေါ်တဲ့ဟန် လုပ်ပြသည်။ ၀င်ကြည့်သောကောင်လေးတွေက မကြောက်ကြသည့်အပြင် “မာမီသရဲ မာမီသရဲ” ဟုအော်ဟစ် နှုတ်ဆက်ကြသည်။ ပရိတ်သတ်ကို ခြောက်လန့်ရန် ရည်ရွယ်ပြီး သရဲအဖြစ် သရုပ်ဆောင်ထားသူများ တနေရာမှ တနေရာသို့ သွားလာနေကြသည် ။ ထောင့်ကွယ်တခုမှ ထွက်လာ သော ၀က်ဝံလေးကို ဖြုန်းခနဲတွေ့လိုက်ရသဖြင့် ပါးလုံးမှာ “ဟဲ့သောက်ပလုတ်တုတ်” အော်ကာ မေ့သွားသဖြင့် နှာနှပ်ယူရတော့သည်။

ဤသိုဖြင့် သရဲလေးကောင် လည်း တယောက်ကိုတယောက် ရှောင်ရင်း တိမ်းရင်း လာကြည့်သော ပရိတ်သတ်များကိုခြောက်လှန့်နေတော့သည်။

*****

ပထမဆုံးအကြိမ်ကျင်းပသည့် ဘလော့ဂါ ပွဲဈေးတန်း အတွက် CNN ရဲ့ သတင်းထောက် မဆုမွန်နှင့် BBC သတင်းထောက် မတူးတူးသာ တို့က သူ့ထက်ငါဦးအောင် သတင်းလိုက်ယူနေကြသည်။ ဒီပွဲတော်တွင်တော့ သတင်းထောက် နှစ်ယောက် အထူးမျက်နာပွင့် နေကြသည်။ မိမိ၏ဈေးဆိုင်လေး ကမ္ဘာကျော်ချင် စိတ်ကြောင့် ဟိုဆိုင်က မုန့်ခေါ်ကျွေး ဒီဆိုင်က လ္ဘက်ရည်တိုက်ကြဖြင့် သတင်းထောက်နှစ်ယောက် ဗိုက်လေးပြီး ညဦးပိုင်းကလို အပြေးအလွှားသတင်းမယူနိင်တော့ပေ။ တိုက်ရိုက်ထုတ်လွှင့်နေသည့် အစီအစဉ်တွင်လည်း သတင်းထောက်တွေ၏ မုန့်တမျိုးပြီး တမျိုးစားသည့် ပုံများကိုသာ တကမ္ဘာလုံးကြည့်ပြီး သရေ ယိုနေကြရသည်။

*****

ကောင်းကင်ပြာ ၊ကောင်းကင်ရဲ့ သမီးပျို အစရှိသည့် ကောင်းကင် အုပ်စုက နာမည်နှင့် လိုက်အောင် မြေမနင်း အလုပ်ဖြစ်သည့် ချားရဟတ် ထောင်ထားကြသည်။ ခက်တာက သူတို့ချားရဟတ်ကို မည်သူမှ မစီးဘဲ ကွေ့ရှောင်သွားကြသဖြင့် ပွဲတော်၏ပထမဆုံး ညဦးပိုင်းမှာတင် မျက်ကလဲဆန်ပြာ ဖြစ်နေကြသည်။ မြတ်မည်ထင်၍ ဆွဲကြိုးပေါင်ကာ အရင်းလုပ်ထားရသူခမျာလည်း သူ့လည်ပင်းကို ယောင်ပြီး ပွတ်မိတာ အခါခါပါပဲ...။

လူအများစီးချင်စိတ်ဖြစ်ရန် သူတို့လူများက ရဟတ်ပေါ်တွင် နေရာယူပြီး စီးပြကြသော်လည်း မည်သူမျှ လိုက်မစီးကြသဖြင့် သူတို့လူတွေလည်း တချို့ဆိုလျှင် ရဟတ်မူး၍ အန်ကုန်ကြသည်။ ပွဲတော်လာ ပရိတ်သတ် ကတော့ မူးပြီး အန်သည့် သူများကို သနားအကြည့်ဖြင့်သာ ကြည့်သွားကြသည်။  ဒီလိုတော့မဖြစ်ချေဘူးဆိုပြီး အနားရောက်လာသည့် ရင်းနှီးသူတယောက်ကို ဘာကြောင့် ချားရဟတ် မစီးကြတာလဲ စုံစမ်းတော့မှ အဖြစ်မှန် ပေါ်တော့သည်။ သူတို့က ကောင်းကင်တို့ ရဲ့ ချားစီးကြမလား ဆိုပြီး မိုက်နဲ့အော်ကာ လူခေါ်တာကြောင့် ဘယ်သူကမှ သူတို့ချားမစီးချင် ကြခြင်းဖြစ်၏။

အမှန်တော့ ကောင်းကင်အုပ်စုခမျာ ပွဲအတွေ့အကြုံ မရှိခြင်းဖြစ်သည်။ ချားရဟတ်ဆိုတာ လူခေါ်ဘို့ မလိုအပ်ဘူးဆိုတာ သူတို့မသိကြပေ။ လူတွေက ချား(ချားရဟတ်) မြင်လျှင်စီးရမည်ဆိုတာ အလိုလို သိနေပေမယ့် သူတို့က ဖော်ရွေစွာနှင့် လူခေါ်တော့မှ အခြေအနေတွေက ရှုပ်ထွေးသွားတာဖြစ်သည်။ အတွေ့ အကြုံရသွားသော ကောင်းကင်အုပ်စုလည်း ကုန်သွားသည့် အချိန်တွေအတွက် ပိုက်ဆံမြန်မြန် ပြန်ရှာရတော့သည်။ ချားရဟတ်စီးခကို ပုံမှန်ထက် ၂ ဆတင်လိုက်သဖြင့် စီးသူများက မကျေမနပ်ဖြစ်ကုန်ကြသည်။ တချို့က အမြတ်ကြီးစား တွေဟု မကြားတကြားနှင့် ပြောသွားကြသည်။

သူတို့ကလည်း စေတနာမချို့တဲ့ကြောင်း ပြသည့်အနေနှင့် ပန်ချီဆရာတယောက်ကို ချက်ချင်းရှာကာ စာတန်းတခုအမြန်ရေးခိုင်းလိုက်ပြီး မြင်သာသည့်နေရာတွင် ထောင်ထားလိုက်သည်။ သူတို့၏ ဆိုင်းဘုတ်တွင် “ရဟန်းသံဃာများ , မယ်သီလရှင်နှင့် ၂ နှစ်အောက် ကလေးများ အခမဲ့ စီးနှင်းခွင့်ပြုသည်။” ဟုရေးထား လိုက်လေသည်။

*****

ကိုလူထွေးကတော့ ဒီပွဲတော်တွင် သူ၏ ကော်ပီများနဲ့တခဏ စာအုပ်များရောင်းချသည်။ မြန်မာပြည် မှာကဲ့သို့ စာအုပ်တအုပ် ၀ယ်ယူ သူတိုင်းကို စာရေးဆရာမှ အမှတ်တရ လက်မှတ်ထိုးပေးသည့် ပုံစံကို နှစ်သက်သဖြင့် သူ့စာအုပ်ဝယ်တဲ့ သူတိုင်း လက်မှတ်ထိုးခွင့်ရှိသည်ဟုကြေငြာထားသည်။ ထူးထူးခြားခြားလုပ်လေ့ရှိသည့်အတိုင်း သူက လက်မှတ်ထိုးပေးခြင်းထက် သူ့ကိုပြန်ပြီး လက်မှတ်ထိုးခိုင်းခြင်းဖြစ်သည်။ လက်မှတ်ထိုးရသည့်နေရာများက ပိုပြီးဆန်းနေသည်။ ခန္ဓာကိုယ်အပေါ်ပိုင်းကို ဗလာကျင်းထားပြီး ရင်ဘတ်နှင့်ကျောတွင် အမှတ်တရ လက်မှတ်ထိုးခိုင်းခြင်းဖြစ်သည်။

နာမည်ကြီးတယောက်ဖြစ်သည့်အပြင် ထူးထူးခြားခြား အစီအစဉ်ကြောင့် ကိုလူထွေး၏ စာအုပ်ဆိုင် အလွန်ကို အောင်မြင်နေသည်။ ထိုအချိန်တွင် မိန်းမလျှာသုံးယောက် ရောက်လာပြီး မည်သူမှ လက်မှတ်မထိုးရသေးသော နေရာတွင် လက်မှတ်ထိုးမည်ဟုဆိုပြီး အတင်းဝင်ဆွဲကြသည်။ ကိုလူထွေးလည်း ဘူးသီးနုနု မခူးရဟုအော်ပြီး ထွက်ပြေးရတော့သည် ။ နောက်ဆုံး မဒမ်လူထွေး၏ မျက်ထောင့်နီဖြင့် အကြည့် ခံရပြီးသည့် နောက်တွင်တော့ လက်မှတ်ထိုးခြင်းကို ရပ်နားလိုက်ရတော့သည်။ ဒါတောင် မိန်းမလျှာ သုံးယောက်က တော်တော်နှင့်လက်မလျော့သေးဘဲ ဆိုင်အနားတွင်ရစ်သီရစ်သီ လုပ်နေသေးသည်။

ဤသို့ဖြင့် ဘလော့ဂါပွဲခင်းကြီးမှာ အဖြစ်အပျက် အစုံအလင်တို့ဖြင့် သက်ဝင်လှုပ်ရှားနေတော့သည်။

။..................................................................။

အငြိမ်နှင့်လိုက်ဖက်ရန် ပွဲခင်းတခုကို ဖန်တီးပေးထားခြင်းဖြစ်ပါသည်။ ဒီပို့စ်ထဲတွင် ပါဝင်သော သူငယ်ချင်း များကို ခင်မင်မှု သက်သက်ဖြင့်သာ နာမည်ထည့်ထားခြင်း ဖြစ်သည်။ နစ်နာစေရန် မရည်ရွယ်ပါ။


ဝန်ခံချက်။....။ ဒီပို့စ်ထဲတွင် ပါဝင်သော ကိုလူထွေး၏ ဇာတ်ကွက် ကိုတော့ ဆရာမင်းလူ၏ ဝတ္ထုတစ်ပုဒ်ထဲမှ ယူရေးပါသည်။ ကျန်တာများအားလုံးကတော့ ကျနော့်စိတ်ကူးသက်သက်ဖြစ်ပါသည်။

မေတ္တာဖြင့် သရုပ်ဖော်ပန်းချီ ရေးဆွဲပေးသော ပန်းချီဆရာဥာဏ်စိုးအား လှိုက်လှဲစွာ ကျေးဇူးတင်ကြောင်း ပြောပါရစေခင်ဗျာ။

ခင်မင်သောအားဖြင့်
မြစ်ကျိုးအင်း