သင်သည် ပုရွက်ဆိတ်တစ်ကောင် ဖြစ်ခဲ့လျှင်...

(၁)

အစာရှာတဲ့အဖွဲ့ထဲက ရှေ့ပြေးတပ်သား မောင်နီ အူယားဖားယားနဲ့ ကျုပ်တို့ကို လာအကြောင်းကြားချိန်က လူတွေရဲ့သတ်မှတ်ချက်နဲ့ဆိုရင် ညအချိန်ပေါ့ဗျာ...။ ကျုပ်တို့ ရဲ့အကြိုက်ဆုံး စားစရာတွေထဲမှာပါတဲ့ ပေါင်မုန့် အကြီးကြီးကို တွေ့ခဲ့တယ်တဲ့လေ။ ဒါနဲ့ပဲ ကျုပ်တို့လည်း လူတွေလို နေ့ရယ်ညရယ် ရွေးမနေတော့ပါဘူး အဖွဲ့ဝင်တွေ ချက်ချင်းစုစည်းပြီး မောင်နီအနောက်က တန်းစီ ထလိုက်လာကြတာပဲ...။

ကျုပ်တို့အတွက်တော့ နေ့ရယ်ညရယ်လို့ မရှိပါဘူး...။ အစာရှာဖို့အတွက်ဆို အချိန်မရွေးထကြွလုံ့လ ရှိရမယ် မဟုတ်လား။ ဘာကြောင့်ဆိုတော့ နေအိမ်တည်ဆောက်ဖို့နဲ့ အစာရှာဖို့ တာဝန်က ကျုပ်တို့တာဝန်ပဲလေ...။ ကျုပ်တို့က ခင်များတို့လို လူတွေ အမြင်နဲ့ကြည့်ရင် မလောက်လေး မလောက်စားဆိုတဲ့ အဆင့်ထက်တောင် နိမ့်နိင်ပေမယ့် ကျုပ်တို့ရဲ့ ဖွဲ့စည်းပုံက လူတွေထက်တော့ စနစ်တကျရှိတယ်ဆိုတာ သေချာပေါက် ပြောရဲတယ်ဗျာ။

အရေးဟယ် အကြောင်းဟယ်ဆို ခင်များတို့လူတွေမှာ လူစုရတာနဲ့ တာဝန်ခွဲဝေရေး ကော်မတီ အရင်ဖွဲ့ရတာနဲ့ ဒီကြားထဲသက်သောင့်သက်သာနဲ့ နာမည်ကောင်းရမယ့် နေရာတွေများဆို ပေးရကမ်းရပြီး နေရာရဖို့ ၀ိုင်းအုံနေကြတာပဲ...။ ဒါတောင်ပြောချင်ကြသေးတယ် ပျားရည်စက်မှာ ပုရွတ်ဆိတ်အုံနေတဲ့ အတိုင်းပဲတဲ့...။ ဥပမာကတော့ မြင်သာထင်သာရှိပါရဲ့ဗျာ..။ ဒါပေမယ့် ကျုပ်တို့ ပုရွတ်ဆိတ်တွေနဲ့ နှိုင်းတာကိုတော့ မကျေမနပ် ဖြစ်မိပါသေးတယ်။

ကျုပ်တို့ပုရွတ်ဆိတ်တွေမှာ အကောင်သေးပေမယ့် ကိုယ့်တာဝန်ကိုယ်ကျေကြတာပဲဗျ..။ လူတွေရဲ့ စိတ်အတိုင်း သာဆို သားဖောက်ဖို့တာဝန်ယူရတဲ့ နေရာမှာ ၀ိုင်းအုံနေကြမှာပဲ...။ ကျုပ်တို့ကတော့ စိတ်ထဲမှာဘာမှမထားဘူး ကိုယ့်တာဝန် ကိုယ်ကျေဖို့ပဲသိတယ်...။ သားဖောက်တဲ့တာဝန်ယူရတဲ့ မောင်နက်တို့ အဖွဲ့ကိုလည်း ဘယ်လိုမှ မမြင်မိဘူး...။ ရန်သူတွေကို တိုက်ခိုက်ရေး တာဝန်ယူရတဲ့ အဖွဲ့ကိုလည်း ကျေးဇူးတင်ရတာပဲ....။

ယုတ်စွအဆုံးဗျာ မျိုးဆက်ပြန့်ပွားဖို့ တချိန်လုံး ကလေးတွေ မွေးပေးနေရတဲ့ ပုရွတ်ဆိတ် အမတွေကိုလည်း ကျုပ်ကကြံဖန်ကျေးဇူးတင်မိတယ်။ သူတို့ကမွေး ကျုပ်တို့ကကျွေးပေါ့ဗျာ...။ အားလုံးကိုယ့်တာဝန် ကိုယ်ကျေကြ သလိုကိုယ့်ကိုကိုယ်လည်း ဂုဏ်ယူရတာပါပဲ...။

အခုတော့ မောင်နီက သူတွေ့ခဲ့တယ်ဆိုတဲ့ အစာကို လာပြောတာနဲ့ ကျူပ်တို့ လည်းချက်ချင်းထလိုက်လာကြတာ ခရီးတောင်အတန်ငယ်ပေါက်ရောပေါ့...။ ကျုပ်တို့ရှေ့နဲ့နောက်မှာလည်း တိုက်ခိုက်ရေးအဖွဲ့ဝင်တချို့ ၀ိုင်းရံပြီး လိုက်ပါလာကြတယ်..။ ကျုပ်တို့အဖွဲ့အတွက်တော့ အသေခံတပ်သားတွေပေါ့ဗျာ။ ရန်သူတွေ့ရင် တိုက်ခိုက်သလို လမ်းခရီးမှာ ကျဆုံးသွားတဲ့ မျိုးနွယ်တွေ ကိုလည်း နေတဲ့နေရာအထိ ရောက်အောင်ပြန်သယ်တဲ့ တာဝန် ယူကြတယ်လေ.။

ကျုပ်တို့ ပုရွတ်ဆိတ်တွေရဲ့သက်တမ်းက လူတွေရဲ့ ပြက္ခဒိန်နဲ့ဆို ၁၀ နှစ်သက်တမ်း ကနေ နှစ် ၅၀ထိ ရှိတယ်။ တောနက်တွေထဲမှာနေတဲ့ ကျုပ်တို့အမျိုးတွေဆိုလည်း အဲဒီလောက် အသက်ရှည်ကြတယ် ...။ ကျုပ်တို့က အမျိုးများတယ်...လက်ဆင့်ကမ်းသယ်လာခဲ့တဲ့ မှတ်တမ်းတွေအရဆို ကျုပ်တို့ ပုရွတ်ဆိတ် အမျိုးပေါင်း ကိုးထောင်ကျော်ရှိတယ်ဆိုပဲ...။ တချို့ကလည်း မျိုးနွယ်ပေါင်း ၁၂၀၀၀အထိရှိတယ်ဆိုပြီးပြောကြပြန်တယ်...။

ကျုပ်တို့သက်တမ်းက ဆယ်နှစ်ဆိုပေမယ့် ကျုပ်တို့လို အစာရှာတဲ့ အဖွဲ့နဲ့ တိုက်ခိုက်ရေးတာဝန်ယူရတဲ့ အဖွဲ့တွေအတွက်တော့ နေ့မြင်ညပျောက်ပါပဲဗျာ...။ ကျုပ်တို့ခန္ဓာကိုယ်လောက်ရှိတဲ့ အစာလေးအတွက်နဲ့ ကျုပ်တို့ခန္ဓာရဲ့အဆပေါင်းများစွာရှိတဲ့ လူတွေရဲ့ လက်နဲ့ဖိသတ်ခြင်းခံရတာပါပဲ...။

သားဖောက်တာဝန်ယူရတဲ့ မောင်နက်တို့အဖွဲ့ကတော့ အဲဒီလောက် အသက်ရှည်ရှည်နေနိင်တယ်..။ ကျုပ်တို့ကတော့ စောစောသေသွားလို့လည်း ၀မ်းနည်းမနေပါဘူး..။ နေခွင့်ရတဲ့အချိန်လေးမှာ ကိုယ့်မျိုးနွယ်စု အပေါ် တာဝန်ကျေခဲ့တယ်ဆို ပြီးတာပါပဲ...။ ကိုယ့်အမျိုးအပေါ် စောင့်ရှောက်မယ် ရှာဖွေကျွေးမွေးမယ် ဒုက္ခမပေးဘူးဆို ကျုပ်တို့ပုရွတ်ဆိတ် ဖြစ်ရကျိုးနပ်ပါတယ်လေ။

ခက်တာက ကျုပ်တို့နေတာက လူနေထူထပ်တဲ့မြို့မှာဆိုတော့ စားစရာ ရှာရလွယ်သလို သေဖို့လည်း လွယ်တယ်ဆိုပါတော့..။ ဒါပေမယ့်ဗျာ သေမှသာသေရော မသေခင်တော့ အစာကိုရအောင်ရှာရမှာပဲ...။ ကျုပ်တို့ တ၀မ်းတခါး အတွက်များတော့ မပူပါဘူးလေ။ အခုဟာက ကျုပ်တို့ရဲ့တာဝန်အရ မျိုးဆက်လေးတွေအတွက် အစာရှာပေးရတော့ နေ့ရယ်ညရယ် မရွေးနိင်ပါဘူး..။

ကျုပ်တို့က အစာကိုတွေ့ရင် အရည်အဖြစ်သာသယ်ဆောင်သွားကြတယ်။ ကလေးတွေကိုတော့ ကျုပ်တို့ သယ်လာတဲ့အရည်တွေ ပြန်အန်ထုတ်ပြီး ကျွေးမွေးရတာပါပဲ။ အစာခဲလိုက်ကို သယ်သွားပြီး ကျုပ်တို့ အသိုက် အမြုံရောက်မှအရည်ထုတ်ပြီး စားကြတဲ့အခါလည်း ရှိတာပေါ့လေ...။

ရှေ့ပြေးတပ်သားမောင်နီတို့အဖွဲ့ လူးလားခေါက်တုန့်နဲ့ အလုပ်တွေများနေကြတယ်...။ သူတို့ခင်မျာ ချီတက် လာတဲ့လမ်းတလျှောက်က အဖွဲ့ဝင်တွေကို စိတ်မလျှော့ဖို့ မကြာခင်မှာ ကျုပ်တို့လိုချင်တဲ့အစာကို တွေ့တော့မယ် ဆိုပြီးတကောင်ချင်းစီကို လိုက်ပြီးအားပေးနေကြတာပါပဲ...။

စားပွဲခုံအမြင့်ကြီးပေါ်မှာ ရှိတဲ့ အစာအတွက် ကျုပ်တို့သွားရတဲ့ခရီးလမ်းက ပင်ပန်းလွန်းတယ်။ တောက်လျှောက် တက်လာရတာ ကျုပ်ကောင်တွေလည်း မောပန်းနေလောက်ရောပေါ့။ ကျုပ်တို့ခန္ဓာကိုယ် ဖွဲ့စည်းပုံအရ ခေါင်းပိုင်း ရင်ဘက်ပိုင်း နဲ့ ၀မ်းဗိုက်ပိုင်းဆိုပြီး သုံးပိုင်းရှိတဲ့အထဲမှာမှ ၀မ်းဗိုက်ပိုင်းက ပိုလေးလွန်းတယ်။ ပြင်ညီ ပေါ်မှာသွားနေရင် မသိသာပေမယ့် အခုလို့ မတ်စောက်တဲ့ နေရာတွေကို တက်ရတာ ပင်ပန်းလွန်းပါတယ်။

နာမကျန်းဖြစ်နေရဲ့နဲ့ အစာသယ်ဖို့ လိုက်လာတဲ့ အဖွဲ့ဝင်နှစ်ယောက်လည်း လမ်းတ၀က်မှာတင် ပြုတ်ကျ သွားပြီလို့ အဆင့်ဆင့်သတင်းပေးလို့ ကြားလိုက်ရသေးတယ်။ စိတ်မကောင်းဖြစ်မိပေမယ့် ဒါဟာ ဘ၀ပဲ မဟုတ်လား။ အခုလောက်ဆို တိုက်ခိုက်ရေးအဖွဲ့ဝင်တွေက အသိုက်အမြုံတွေဆီ ပြန်သယ်သွားလောက် ရောပေါ့။ ကျုပ်တို့အမျိုးတွေကို သေဆုံးသွားသည်ဖြစ်စေ ဒဏ်ရာရ သွားသည်ဖြစ်စေ အသိုက်အမြုံဆီတော့ ရအောင်ပြန်ခေါ်ကြတာကျုပ်တို့ရဲ့ ဓလေ့ပါပဲ။

ကျုပ်တို့ရဲ့ အစာဆီကိုတော့ မကြာခင်မှာရောက်တော့မယ်လို့ မောင်နီ ခုနက လာပြောထားလို့ ကျုပ်တို့ တက်ကြွ နေမိတယ်။ ကျုပ်စိတ်ထဲမှာ စိုးရိမ်နေတာက အလင်းရောင်တွေ မရောက်ခင် ကျုပ်တို့ ရည်ရွယ်ရာကို ရောက်နိင်ပါ့မလား ဆိုတာပါပဲ...။ ကျုပ်မကြိုက်ဆုံးအချိန်တွေက မနက်လင်းခါစနဲ့ ညဦးပိုင်း အချိန်တွေပဲ။ အဲဒီအချိန်တွေမှာ အစာရှာရခက်သလို ကျုပ်တို့သေဖို့လည်း ရာခိုင်နှုန်းများတယ်လေ။ ညနက်သန်းခေါင်နဲ့ နေ့ခင်းနေ့လည် အချိန်တွေကတော့ အစာရှာဘို့ အကောင်းဆုံး အချိန်တွေပါပဲ။ စိတ်အေးလက်အေးရှာ နိင်သလို အစာကိုလည်း များများစုမိတတ်တယ်။

အခုရောင်နီရဲ့ အအေးဒဏ်ကို ခံစားရစပြုလာပြီဆိုတော့ မကြာခင်မှာမိုးလင်းတော့မှာ သေချာနေပြီပေါ့ ကျုပ်တို့ အချိန်မှီနိင် ပါ့မလား။ ဘာပဲဖြစ်ဖြစ် ကျုပ်တို့ကိုမျှော်နေမယ့် ဆာလောင်နေတဲ့ ကလေးငယ်တွေ အတွက် ကျုပ်တို့ ရှေ့ဆက်နေရအုံးမှာပဲ...။

(၂)

နိုးစက်ရဲ့စူးစူးရှရှမြည်သံကြောင့် နိုးလာမိသည် ။ စိတ်ပျက်ပျက်နဲ့ ကျွတ်ခနဲ ရေရွတ်လိုက်မိသည်။ နောက်ထပ် နာရီဝက်လောက် အိပ်ခွင့်ရသေးရင် တော်တော်ကောင်းမှာပဲ တွေးမိပေမယ့် မဖြစ်နိင်မှန်းသိလို့ ရေချိုးခန်းထဲ ၀င်လိုက်ရတော့သည်။ ကြည်လင်လန်းဆန်းသွားအောင် ခေါင်းကိုပါရေလောင်းချိုးလိုက်သည်။

အလုပ်သွားဖို့ ဖိနပ်စီးနေရင်း ထမင်းစား စားပွဲပေါ်က ညကလက်ကျန်ပေါင်မုန့် အပိုင်းအစ တချို့တွင် ပုရွတ်ဆိတ်တို့ ၀ိုင်းအုံခဲနေကြတာကို တွေ့လိုက်ရသည်။ တော်တော်အနံ့ခံကောင်းတာပဲ တွေးမိရင်း လက်နှင့် တောက်ထုတ်ပစ်လိုက်မိသည်။

ပေါင်မုန်းအပိုင်းအစတချို့နှင့် ပုရွတ်ဆိတ်တို့ လေထဲမှာ ၀ဲပျံသွားတော့သည်...။


~~~~~~~~

တစ်နေ့သောမနက်ခင်းမှာ တန်းစီပြီးသွားနေတဲ့ ပုရွတ်ဆိတ် တချို့ကို မြင်မိရာကနေ ဒီဝတ္ထုတိုလေးကိုရေးဘို့ စိတ်ကူးရခဲ့ပါတယ်။ အဲဒီတနေ့လုံးကျွန်တော်တွေးနေမိတာက ပုရွတ်ဆိတ်တွေနဲ့ တူတဲ့ မြန်မာပြည်သူပြည်သား တချို့ကိုပါပဲ...။

မ၀ရေစာလေးအတွက် ရုန်းကန်နေရတဲ့ ဘ၀တွေကို တွေးမိပါတယ်...။
ရှင်သန်မှုအတွက် ဖိသတ်ရက်တဲ့ လက်မည်းတွေကိုလည်းတွေးမိပါတယ်...။
လွတ်မြောက်မှုအတွက် တောက်ထုတ်ခံရတဲ့ ဘ၀တွေကိုလည်း တွေးမိပါတယ်။

ဆက်ပြီးတွေးမိတာကတော့ ကျွန်တော်တို့တွေလည်း တနေ့နေ့တချိန်ချိန်မှာ ကြွယ်ဝချမ်းသာလာနိင်ပါတယ် အရာရာကို ဖန်ဆင်းနိင် တောက်ထုတ်နိင်တဲ့ လက်တစုံကိုလည်း ပိုင်ဆိုင်လာနိင်ပါတယ်...။ အဲဒီအချိန် ရောက်ခဲ့ရင် ကိုယ့်ရဲ့မတော်တဆမှုနဲ့တောင် ဘယ်ဘ၀တွေကိုမှ မတောက်ထုတ်ပစ်ဘို့ပါပဲ...။

ဘာကြောင့်ဆိုတော့ အခုချိန်မှာ ကျွန်တော်တို့ ကိုယ်တိုင်တောင် အစာရေစာ ပေါကြွယ်ဝတဲ့နေရာ လာပြီး ရှာဖွေနေရတဲ့ ဘ၀တူ ပုရွတ်ဆိတ်တကောင်ပဲ မဟုတ်လား....။

အရေးမကြီးဘူးထင်ရသောလုပ်ရပ်တခုသည် တခြားသူတို့၏ ပုတ်ထုတ်ခံလိုက်ရသော ဘဝ လည်းဖြစ်တတ်သည်...။

(ပုရွတ်ဆိတ်တွေနှင့်ပါတ်သတ်သော အချက်အလက်တချို့ကို ဘာသာပြန်ပြီး ရယူထားပါတယ်...
အဓိက ပေးချင်တဲ့ အကြောင်းအရာက ရုန်းကန်ရင်း နှစ်မြုပ်နေရတဲ့ ဘ၀တွေ အကြောင်းမို့လို့
ပုရွတ်ဆိတ်တွေနှင့် ပါတ်သတ်သော အချက်အလက်မှားယွင်းခဲ့ လိုအပ်ခဲ့ပါက သီးခံစေချင်ပါတယ်...။)